އީރާނުން ހުށަހަޅާފައިވާ ޝަރުތުތައް އެމެރިކާއިން ފުރިހަމަ ނުކުރަނިސް ހޮރްމޫޒު ކަނޑުއޮޅި ނުހުޅުވާނޭ ކަމަށް އީރާނުން ބުނެފިއެވެ.
މީޑިއާ ވަސީލަތަކަށް ދެއްވި އިންޓަވިއުއެއްގައި އީރާނު ޕާލަމެންޓުގެ ރައީސް މުހައްމަދު ބާގިރު ގާލިބާފް ވިދާޅުވީ، އީރާނާއި އެމެރިކާއާ ދެމެދު ޖޫންމަހު ވެފައިވާ ވަގުތީ އެއްބަސްވުމުގައި އީރާނުން ކަނޑައަޅާފައިވާ 7 ޝަރުތު ފުރިހަމަ ނުވާހާހިނދަކު ހޮރްމުޒް އަލުން ނުހުޅުވޭނޭ ކަމަށެވެ.
މުހައްމަދު ބާގިރު ގާލިބާފް މިފަދައިން ވިދާޅުވީ، ހޮރްމޫޒު އަލުން ހުޅުވަން އީރާނުން ހުށަހެޅި ޝަތުރުތަކަށް، ގަތަރު މެދުވެރިކޮށް އެމެރިކާއިން ޖަވާބު ދީފައި ވަނިކޮށެވެ.
އީރާނުގެ ޝަރުތުތަކަށް އެމެރިކާއިން ދިން ޖަވާބާ ގުޅޭގޮތުން އެމެރިކާއިންވެސް، އީރާނުންވެސް އަދި ގަތަރުންވެސް އަދި މިހާތަނަށް އެއްވެސް އެއްޗެއް ހާމަކޮށްފައެއް ނުވެއެވެ.
އީރާނުން ހަމައެކަނި ބުނެފައިވަނީ، އީރާނުގެ ހުށަހެޅުމަށް އެމެރިކާއިން ދިން ޖަވާބު، އީރާނު ސަރުކާރުން ރިވިއު ކުރަމުންދާ ކަމަށެވެ.
ގާލިބާފް ވިދާޅުވީ، މީޑިއާގައި ތަފާތު ވާހަކަ ދައްކާ އެމެރިކާއިން އީރާނުގެ ހުށަހެޅުމުގެ ޖަވާބުގައި ހުށަހެޅުމެއް ހުށަހަޅާފައިވާ ކަމަށެވެ. އެމެރިކާއިން ދިން ޖަވާބާ ގުޅޭގޮތުން ގާލިބާފް ސީދާ އެއްޗެއް ވިދާޅެއް ނުވެއެވެ.
އެހެން ނަމަވެސް ވިދާޅުވީ، އެމެރިކާ ބޭނުންވާ ޑިމާންޑްތައް ގަބޫލުކުރާ ގޮތަށް ޑިކްޓޭޓް ކުރުމުގެ ފުރުސަތެއް މިހާރު ނެތްކަމާއި، އެމެރިކާ ބޭނުންވާ ގޮތަކަށް ކަންކަން މިހާރު ނުވާނޭކަން އެމެރިކާ ދަންނަންޖެހޭ ކަމަށެވެ.
ހޮރްމޫޒާ ގުޅޭގޮތުން އީރާނުގެ ސްޓޭންޑް ވަރަށް ސާފުވެފައި ވަރުގަދަ ކަމަށާއި، އިސްލާމްއާބާދު މެމޮރެންޑަމް އޮފް އަންޑަސްޓޭންޑިންގެ މައްޗަށް ބިނާކޮށް އީރާނުން ކަނޑައަޅާގައިވާ 7 ޝަރުތު ފުރިހަމަ ނުވާހާހިނދަކު އޮފް ހޮރްމޫޒް ނުހުޅުވާނޭ ކަމަށެވެ.
ކިޔުންތެރިންގެ ހިޔާލު