މައިގްރޭޝަން މޮނިޓަރިންގ އެންޑް ކޮމްޕްލަޔަންސް ޕްރޮގްރާމް (އެމްއެމްސީޕީ) ގެ ދަށުން އިއްޔެ ހިންގި ޚާއްޞަ އިންސްޕެކްޝަނެއްގައި ގަވާއިދާ ޚިލާފަށް އުޅެމުންދިޔަ 13 ބިދޭސީއަކު މޯލްޑިވްސް އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
އިމިގްރޭޝަނުން މަޢުލޫމާތު ދީފައިވާ ގޮތުގައި، މާލޭގައި ކުރިއަށްގެންދިޔަ މި އޮޕަރޭޝަންގެ ތެރެއިން ޖުމްލަ 426 ބިދޭސީންގެ ވިސާ އަދި ލިޔެކިޔުންތައް ވަނީ ބަލައި ޗެކްކޮށްފައެވެ. އެގޮތުން، ބަލައިފާސްކުރެވުނު މީހުންގެ ތެރެއިން ރާއްޖޭގައި ގަވާއިދާ ޚިލާފަށް މަސައްކަތް ކުރަމުންދިޔަ 13 ބިދޭސީއަކު ފާހަގަކުރެވި، އެމީހުން ވަނީ އިމިގްރޭޝަނުގެ ބެލުމުގެ ދަށަށް ގެންގޮސްފައެވެ.
ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލުކުރުމަށް ސަރުކާރުން ފަށާފައިވާ ޚާއްޞަ މަސައްކަތްތަކުގެ ތެރެއިން މިފަދަ މޮނިޓަރިންގ ޙަރަކާތްތައް މެދުނުކެނޑި ކުރިއަށް ގެންދާނެ ކަމަށް އިމިގްރޭޝަނުން ވަނީ ބުނެފައެވެ.
ކިޔުންތެރިންގެ ހިޔާލު