ސަރުކާރުގެ ބޯހިޔާވަހިކަން އެންމެންނަށް ސިޔާސަތުގެ ދަށުން ފްލެޓާއި ގޯއްޗަށް އެދި އެޕްލިކޭޝަން ހުށަހެޅުމުގެ މުއްދަތު އިތުރުކޮށްފިއެވެ.
ކޮންސްޓްރަކްޝަން މިނިސްޓްރީން ބުނީ އާއިލީ ބޯހިޔާވަހިކަން ޕްރޮގްރާމްގެ ދަށުން ކުރިއަށްގެންދާ ސްކީމްތަކާއި ގޯތިގެދޮރު ޕްރޮގްރާމްގެ ދަށުން ކުރިއަށްގެންދާ ސްކީމްތަކަށް އެދި އެޕްލިކޭޝަން ހުށަހެޅުމުގެ ފުރުސަތު 15 ޖޫން 2026 ގެ 23:59 ގެ ނިޔަލަށް ހުޅުވާފައި ހުންނާނެ ކަމަށެވެ.
އާއިލީ ބޯހިޔާވަހިކަން ޕްރޮގްރާމް:
މާލޭގައި ދިރިއުޅޭ ރައްޔިތުންނަށް ފުލެޓު ދޫކުރުމުގެ ސްކީމް
މާލޭގައި ދިރިއުޅޭ ރައްޔިތުންނަށް ދިރިއުޅުމަށް ބިން ދޫކުރުމުގެ ސްކީމް
ހަމައެކަނި ވެށިފަހި މާލެ / ހިޔާ މަޝްރޫޢުން ފުލެޓް ޙަވާލުނުކޮށް ލިޔުން ލިބިފައިވާ ފަރާތްތައް ޙާއްސަ ކެޓަގަރީ
ޚާއްޞަ އިސްކަންދެވޭ ނުކުޅެދުންތެރިކަން ހުންނަ ފަރާތްތައް ފުލެޓަށް އެދި ހުށަހެޅުމަށް ޚާއްސަ ކެޓަގަރީ
-ގޯތިގެދޮރު ޕްރޮގްރާމް:
“ގޯތިގެދޮރު” ޕުރޮގުރާމުގެ ދަށުން، މާލޭގައި ދިރިއުޅޭ ރައްޔިތުންނަށް ދިރިއުޅުމަށް ބަންޑާރަ ގޯތި ދޫކުރުމުގެ ސްކީމް
“ބިންވެރިޔާ” ޚާއްޞަ ސްކީމް
މި ހުރިހާ ސްކީމެއްގެ ދަށުން ވެސް އެޕްލިކޭޝަން ހުށަހަޅާނީ ބޯހިޔާވަހިކަން ޕޯޓަލް މެދުވެރިކޮށެވެ. މި ސްކީމްތަކާ ގުޅޭ އިތުރު މަޢުލޫމާތު މިނިސްޓްރީގެ ހޮޓްލައިން ނަންބަރު 4004860, 4004861, 4004862, 4004863, 4004864, 4004865 އަށް ގުޅައިގެން ނުވަތަ މިނިސްޓްރީގައި ޤާއިމްކޮށްފައިވާ ހެލްޕް ޑެސްކުން ލިބޭނެއެވެ.
ކިޔުންތެރިންގެ ހިޔާލު