މަސްވެރިންނަށް ތެޔޮ ލިބުންދަތިވެ، މަސްވެރިކަމަށް ބުރޫ އަރާފައިވާކަމަށް ބުނެ، ރިޕޯޓްކޮށްފައިވާ ޚަބަރަކީ ތެދު ޚަބަރެއް ނޫންކަމަށާ، ދުނިޔޭގެ ބާޒާރުގައި ތެލުގެއަގު މައްޗަށް އަރައިގެން ދިޔަނަމަވެސް، ސަރުކާރުން އަންނަނީ މަސްވެރިންނަށް ދަތިނުވާނެހެން ތެޔޮ ލިބުމުގެ އިންތިޒާމްތައް މެނޭޖުކުރައްވަމުން ކަމަށް މަސްވެރިކަމާއި ދަނޑުވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު، އަޙްމަދު ޝިޔާމް ވިދާޅުވެއްޖެއެވެ.
ވަޒީރު މިހެން ވިދާޅުވީ މަސްވެރިންނަށް ތެޔޮލިބުންދަތިވެ، މަސްވެރިކަމަށް ބުރޫ އަރައިފައިވާކަމަށް ބުނެ، ރިޕޯޓްކޮށްފައިވާ ޚަބަރަކާ ގުޅިގެންނެވެ.
ވަޒީރު ވިދާޅުވީ މަސްވެރިންނަށް ތެޔޮލިބުންދަތިވެ، މަސްވެރިކަމަށް ބުރޫ އަރާފައިވާކަމަށް ބުނެ، ރިޕޯޓްކޮށްފައިވާ ޚަބަރަކީ ތެދު ޚަބަރެއް ނޫންކަމަށެވެ.
ވަޒީރު ވިދާޅުވީ މި އުނދަގޫ ހާލަތުގައިވެސް ސަރުކާރުން ޔަޤީންކުރާ އެއްކަމަކީ ދިވެހިމަސްވެރިން މަސްކަނޑުތަކަށް ނިކުމެވޭނެކަން ކަށަވަރުކުރުންކަމަށެވެ. އެގޮތުން ދުނިޔޭގެ ބާޒާރުގައި ތެލުގެއަގު މިއިން ދުވަހަކު މައްޗަށް އަރައިގެން ނުދާވަރަށް މައްޗަށް އަރައިގެން ދިޔަނަމަވެސް ދިވެހި މަސްވެެރިންނަށް އެބުރަ ނުޖައްސާ ސަރުކާރުން މިއަދާ ހަމައަށްވެސް މިގެންދަނީ ތެލުގެ ކަންކަން ވީއެންމެ ރަނގަޅަށް މަނޭޖުކުރަމުންކަމަށް ވަޒީރު ވިދާޅުވިއެވެ. އަދި އެކަން މަސްވެރިންވެސް ޝުކުރުވެރިކަމާއިއެކު ބަލައިގަންނަކަން ވަޒީރު ފާހަގަކުރެއްވިއެވެ.
ނޫހުގައި ތިފަދަ ހެޑްލައިންއެއް ހައްދަވާއިރު ކަންއޮތްގޮތް ރަނގަޅަށް ބައްލަވާލެއްވިނަމަ ހާދަރަނގަޅުވީހޭ ހިތަށްއަރާ. ގިނަ ދުވަސްތަކެއް ވަންދެން އެންވެރިކަން ދަށްވެފައި އޮތުމަށްފަހު މުޅިރާއްޖެއަށްވެސް އެންވެކަން ރަނގަޅުވާންފެށުމާއިއެކު މަސްވެެރިކަންވެސް އަންނަނީ الله ގެ އިރާދަފުޅުން ވަރަށް ރަނގަޅުވަމުން. އެހެންކަމުން މަސްވެރިކަން ރަނގަޅު ސަރަހައްދުތަކަށް ބޯޓުތައް ފޮނުވުނުވުމުގެ މަސައްކަތްތައްވެސް ކުރެވޭނެ. ސަރުކާރުން މިދަނީ މަސްވެެރިންގެ ކަންކަން މިހާލަރުގައިވެސް ގާތުންބަލާ މަސްވެެިންނަށް އެންމެރަގަޅުގޮތްތަކަށް މަސައްކަތް ކޮށްދެމުން.
ވަޒީރު ވިދާޅުވިއެވެ.
ވަޒީރު ވިދާޅުވީ މަސްވެެރި އިންޑަސްޓްރީގައި ހަރަކާތްތެެރިވާ ކުންފުނިތަކަށް ދިމާވެފައިވާ ގޮންޖެހުންތަކަށް ހައްލު ހޯދުމަށް އިންޑަސްޓްރީގެ މަޝްވަރާއާއެކު ވަރަށްގިނަ މަސައްކަތްތަކެއް ސަރުކާރުން ކުރަމުންދާ ކަމަށެވެ.
ދުނިޔޭގެ އިގްތިސާދަށް ހީނަރުކަމެއް ކުރިމަތިވެފައިވާ މި ނާޒުކު ދަނޑިވަޅުގައި ރާއްޖޭގެ އިގްތިސޯދު ހިފެހެއްޓުމަށް ސަރުކާރުން ދަނީ ހަރުދަނާ ފިޔަވަޅުތަކެއް އަޅަމުންނެވެ.
ކިޔުންތެރިންގެ ހިޔާލު