ކަނޑުގެ ވަސީލަތްތައް ރައްކާތެރިކޮށް، ދެމެހެއްޓެނިވި ގޮތެއްގައި ބޭނުންކުރުމަށްޓަކައި ސައިންޓިފިކް ދިރާސާތަކުގެ މުހިންމުކަން ކުރިއަށްވުރެ ބޮޑުވެފައިވާ ކަމަށް މަސްވެރިކަމާ ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ.
6 ވަނަ މެރިން ސައިންސް ސިމްޕޯސިއަމް ފެށުމަށް ބޭއްވި ރަސްމިއްޔާތު ޝަރަފްވެރިކޮށްދެއްވާ ވާހަކަފުޅުދައްކަވަމުން ވަޒީރު ވިދާޅުވީ، ރާއްޖެއަކީ ދުނިޔޭގެ އެންމެ މުއްސަނދި އަދި އެންމެ ހިތްގައިމު ކަނޑުގެ ދިރުންތައް ލިބިފައިވާ އެއް ޤައުމު ކަމަށެވެ. އަދި ކުލަގަދަ މުރަކައިގެ ފަރުތަކާއި ބޮޑެތި ކަނޑުގެ ދިރުންތަކަކީ ރާއްޖޭގެ އިގުތިޞާދާއި މުޖުތަމައުތައް ދަމަހައްޓައިދޭ އަސާސް ކަމަށެވެ. އެތައް އަހަރެއްގެ ދިރާސާތަކަށް ފަހުވެސް ކަނޑުތަކުން އައު ހޯދުންތައް ފެންނަމުން ދިއުމަކީ، އަދިވެސް ދެނެގަންނަންޖެހޭ ކަންތައްތައް ގިނަކަން ހަނދާންކޮށްދޭ ހެއްކެއް ކަމަށް ޝިޔާމް ވިދާޅުވިއެވެ.
We are honoured to announce the commencement of the Sixth Maldives Marine Science Symposium 2026.
AdvertisementThe Symposium was inaugurated by the Minister @Shiyamaldives . In his inaugural address, the Minister encouraged participants to strengthen collaborations, build new professional… pic.twitter.com/QcC8ovCrGI
— Min of Fisheries, Agriculture and Ocean Resources (@MFAORmv) August 4, 2026
ޝިޔާމްގެ ވާހަކަފުޅުގައި ރާއްޖެއަކީ މި ބަދަލުތަކުގެ ނޭދެވޭ އަސަރު އެންމެ ބޮޑަށް ތަހައްމަލު ކުރަންޖެހިފައިވާ އެއް ޤައުމު ކަމަށް ވިދާޅުވިއެވެ. އަދި މޫސުމަށް އަންނަ ބަދަލުތަކުގެ ސަބަބުން ކަނޑުގެ ދިރުންތަކަށް އަންނަ ބަދަލުތަައް ދެނެގަތުމަށް، ސައިންޓިފިކް ދިރާސާތަކުގެ މުހިންމުކަން މިހާރު ކުރިއަށްވުރެ ބޮޑުވެފައިވާކަން ވަޒީރު ވަނީ ވިދާޅުވެފައެވެ.
ސައިންޓިފިކް ދިރާސާތަކުގެ މުހިންމުކަން މިވަނީ ކުރިއަށްވުރެ ބޮޑުވެފައި. އެހެންކަމުން ކަނޑުތަކާއި ފަރުތާކާ ގުޅޭގޮތުން އިތުރު މައުލޫމާތުތައް ހޯދައި، މުޖުތަމައުތަކަށް މި ބަދަލުތަކަށް ހޭނުމަށް އެހީތެރިވެދޭނެ ސައިންޓިފިކް ހައްލުތައް ހޯދަންޖެހޭ.
ޝިޔާމް ވިދާޅުވިއެވެ.
ވަޒީރު ވިދާޅުވީ، ސަރުކާރުން އިސްކަންދެނީ ސައިންސްގެ އަލީގައި ނިންމާ ނިންމުންތަކުގެ މައްޗަށް ބިނާކޮށް އިގުތިޞާދީ ތަނަވަސްކަން ހޯދައިދިނުމަށް ކަމަށެވެ. މި ސިމްޕޯޒިއަމްގައި ހިއްސާކުރެވޭ ޢިލްމަކީ ކަނޑުގެ ވަސީލަތްތައް ދެމެހެއްޓެނިވި ގޮތެއްގައި ބެލެހެއްޓުމަށް އެކުލަވާލާ ސިޔާސަތުތަކުގައި މުހިންމު ދައުރެއް އަދާކުރާނެ ކަމެއް ކަމަށްވެސް ވިދާޅުވިއެވެ.
ކިޔުންތެރިންގެ ހިޔާލު