ޙައްޖާއި ޢުމްރާވެރިންނަށް ޚާއްސަ މެޑިކަލް ކްލިނިކެއް މައްކާގައިވަނީ ޤާއިމުކޮށްފައެވެ. މިކްލިނިކަށް 2 އަހަރުވެގެންދާއިރު މިކްލިނިކާއެކު މައްކާގައި އުޅޭ ކޮންމެ ދިވެއްސަކަށްވެސް ޞިއްޙީ ފަރުވާ ލިބިގެންދެއެވެ.
ޙައްޖާއި ޢުމްރާއަށް ދާ ފަރާތްތަކަށް ޞިއްޙީގޮތުން އާންމުކޮށް މިދިމާވާ ކަންކަމަކީ ހުމާއި ރޯގާގެ އުނދަގޫތަކެވެ. މިފަދަކަންކަމުގައި އަވަސް ފިޔަވަޅުތަކެއް އެޅޭނެ އިންތިޒާމު ހަމަޖެހިފައި ހުރުމަކީ ބަލި ބޮޑުނުވެ އަވަހަށް ބަލިން އަރައިގަތުމަށް ކުރެވޭ މުހިއްމުކަމެކެވެ. ހަމައެއާއެކު ޚަރަދުގެ ގޮތުން ބަލާއިރުވެސް މިއީ އެހެން ޤައުމެއްގައި ދިވެހީންނަށް އުފުލަންޖެހިފައި އޮތް ބޮޑު ތަކުލީފެކެވެ. އެހެންކަމުން ޖެނެރަލް ކްލިނިކްތަކުން ފޯރުކޮށްދޭ ޚިދުމަތްތައް މައްކާގައި ދިވެހީންނަށް ފޯރުކޮށްދެވޭނެ އިންތިޒާމު މޯލްޑިވްސް ޙައްޖު ކޯޕަރޭޝަނުން މިވަނީ ޤާއިމުކޮށްފައެވެ.
ދިވެހިންނަށް އަބަދުވެސް ރަނގަޅުވާނީ ދިވެހި ޑޮކްޓަރުންކަމަށްވުމުން ޙައްޖު ޢުމްރާއާއި ދިމާކޮށް މައްކާއަށް ދިއުމުގެ ފުރުސަތު ދިވެހި ޑޮކްޓަރުންނާއި ނަރުހުންނަށް އޮންނަނީ ހުޅުވާލާފައެވެ. ޙައްޖު ކޯޕަރޭޝަންގައި ޤާއިމުކުރެވިފައިވާ މެޑިކަލް ޕޫލްގައި ރަޖިސްޓްރީވުމުން ދިވެހި ޑޮކްޓަރުންނަށާއި ނަރުހުންނަށް މިދަތުރުތަކުގައި މައްކާއަށް ދިއުމުގެ ފުރުސަތު ފަހިވެފައިވާކަމަށް ޙައްޖު ކޯޕަރޭޝަނުން ވިދާޅުވެއެވެ.
ކިޔުންތެރިންގެ ހިޔާލު