ގައުމީ ޓީމުތަކުގެ އެތުލީޓުންނާއި އޮފިޝަލުންގެ އިނާޔަތް 7،000 ރުފިޔާއަށް ބޮޑުކޮށްފިއެވެ.

ގައުމީ ޓީމުތަކުގެ ކުޅުންތެރިންނަށް ކުރިން ދިނީ 5،000 ރުފިޔާއެވެ. އޮފިޝަލުންނަށް ކުރިން ދިނީ 2،500 ރުފިޔާއެވެ.

ގައުމީ ޓީމުގެ ކުޅުންތެރިންނާއި އޮފިޝަލުންނަށް މަހަކު 7،000 ރުފިޔާ ދޭން ކުޅިވަރާ ބެހޭ ގައުމީ މަޖިލީހުން ނިންމާފައިވަނީ މިއަހަރުގެ މެއި މަހުން ފެށިގެންނެވެ. ނަމަވެސް ކުރީގެ އަދަދުން ކުޅުންތެރިންނާއި އޮފިޝަލުންނަށް އެލަވަންސް ޖަމާކޮށްފައިވާތީ އިތުރަށް ދޭން ޖެހޭ އަދަދު މިމަހުގެ ނިޔަލަށް ދިނުމަށްވެސް ވަނީ ނިންމާފައެވެ.

މިއީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.

ރާއްޖޭގެ ކުޅިވަރުގެ ދާއިރާ ހަރުދަނާ ކުރުމަށް ރައީސް މުއިއްޒުގެ އިރުޝާދުގެ ދަށުން ކުޅިވަރާ ބެހޭ ވަޒީރު އަބްދުﷲ ރާފިއު އާއި ސްޕޯޓްސް ކޮމިޝަނަރު މުހައްމަދު ތޮލާލް ގެންދަވަނީ ގިނަ މަސައްކަތްތަކެއް ކުރައްވަމުންނެވެ.