އަމިއްލަ އުޅަނދުފަހަރުގައި އެއްވެސް ލިމިޓެއް ނެތި އިމާރާތްކުރުމަށް ބޭނުންކޮށްފައި ހުންނަ ކުނި (ސީ އެންޑް ޑީ ވޭސްޓް ނުވަތަ ގާކުނޑި) އުކާލެވޭނެ އިންތިޒާމު، ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން ހަމަޖައްސައިފިއެވެ.
ވެމްކޯއިން ހާމަކުރި ގޮތުގައި، މާލެ އަދި ހުޅުމާލޭގައި ދިރިއުޅޭ ރައްޔިތުންނަށް ގާކުނޑި އުކާލުމުގައި ދިމާވާ ދަތިތަކާ ގުޅިގެން ގިނަ ޝަކުވާތަކެއް އެ ކޯޕަރޭޝަނަށް ވަނީ ލިބިފައެވެ.
އެހެންކަމުން، މި ހިދުމަތް މިހާރަށްވުރެ ހަލުވި އަދި ލުއިފަސޭހަ ނިޒާމެއްގެ ދަށުން ފޯރުކޮށްދިނުމަށްޓަކައި، މިއަދުން ފެށިގެން އަމިއްލަ އުޅަނދުތަކުގައި ވެމްކޯގެ މާލެ އަދި ހުޅުމާލޭގެ ރިސޯސް ރިކަވަރީ ފެސިލިޓީތަކަށް ގާކުނޑި ގެންގޮސްގެން، އެއްވެސް ލިމިޓެއް ނެތި އުކާލެވޭނެ އިންތިޒާމު މިހާރު ވަނީ ހަމަޖައްސާފައެވެ. ނަމަވެސް މިގޮތަށް ގެންނަ ކުނި ހުންނަންވާނީ އެ ކޯޕަރޭޝަނުން ކަނޑައަޅާފައިވާ އުސޫލުތަކާ އެއްގޮތަށް ވަކިކޮށްފައި ކަމަށް ވެމްކޯއިން ފާހަގަކުރެއެވެ.
މި ގެނެވުނު ބަދަލުގެ ސަބަބުން، އާންމު ރައްޔިތުންނަށް ގާކުނޑި އުކާލުމުގައި ބޮޑެތި ލުއިފަސޭހަތަކެއް ލިބިގެންދާނެ ކަމަށް އެ ކުންފުނިން ދެކެއެވެ.
ކިޔުންތެރިންގެ ހިޔާލު