ބޭރު މީހުންނަށް ރާއްޖޭގައި ދިރިއުޅެވޭ ގޮތަށް ރެސިޑެންސީ ޕްރޮގްރާމަކަށް ހުޅުވާލުމަކީ އުސޫލެއްގެ ގޮތުން ރަނގަޅު ކަމެއް ކަމަށާއި ސަރުކާރަށް އެންމެ ރަނގަޅު ގޮތަކަށް ވާނީ އީގަލް ހިލްސްއާ އެކު ވެފައިވާ އެއްބަސްވުން އަވަހަށް ރައްޔިތުންގެ މަޖިލީހަށް ފޮނުވުން ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެއެވެ.
ޔުނައިޓެޑް އަރަބް އެމިރޭޓްސްގެ އީގަލް ހިލްސް ކުންފުންޏާ އެކު ސަރުކާރުން ސޮއިކުރި އިގްތިސާދީ މަޝްރޫއާ ގުޅޭ ގޮތުން އިދިކޮޅު އެމްޑީޕީގެ ޗެއާޕާސަން ނަޝީދު ވިދާޅުވީ އެ މަޝްރޫއުން ރާއްޖެ ހުޅުވާލުމަކީ މައްސަލައެއް ނޫން ކަމަށެވެ. އެމަނިކުފާނު ފާހަގަކުރެއްވި ގޮތުގައި މިހާތަނަށް ތިލަވެފައިވާ މައުލޫމާތުތަކަށް ބަލާއިރު އޮތީ އެޑްވާންސް ފައިސާ ނުލިބުމާއި މާލެ ސަރަހައްދުގައި އެ މަޝްރޫއު ހިންގާ މައްސަލައެވެ.
މި މަޝްރޫއު ކުރިއަށް ގެންދިއުމަށްޓަކައި އެއްބަސްވުން މަޖިލީހަށް ފޮނުވައި، ސަރުކާރުގެ އަޣުލަބިއްޔަތުން ބޭނުންވާ ގާނޫނީ އޮނިގަނޑު ފާސްކުރުމަކީ އެންމެ އެކަށީގެންވާ މަގު ކަމަށް ނަޝީދު ވިދާޅުވިއެވެ.
ޓޫރިޒަމާއި ރިއަލްއެސްޓޭޓް ވިޔަފާރި ހިމެނޭހެން ފަސްސަތޭކަ ހެކްޓަރުގެ ބިމެއްގައި ހިންގާ މި މަޝްރޫއަށް ކުރިން ވެސް ތާއީދުކުރެއްވި ނަޝީދު ވަނީ މާލެ ސަރަހައްދުގައި އެފަދަ ބޮޑެތި މަޝްރޫއުތައް ހިންގުމުން ތޮއްޖެހުން ބޮޑުވެ ރަށްތައް ފަޅުވެދާނެކަމުގެ ކަންބޮޑުވުން ފާޅުކުރައްވައިފައެވެ.
ކިޔުންތެރިންގެ ހިޔާލު