ޅ. ނައިފަރުން ކުޑަކުއްޖަކު ވީނުވީއެއް ނޭނގި ގެއްލިގެން ހޯދަން ފަށައިފއެވެ.
ގެއްލިގެން ހޯދަމުންދަނީ އެ ރަށު ނޫކަނޑު މުހައްމަދު އަހްޔާން ހުސައިން (17އ) އެވެ.
ފުލުހުން މިއަދު ބުނީ މުހައްމަދު އަހްޔާން ހުސައިން ގެއްލިގެން ނައިފަރު ޕޮލިހަށް ރިޕޯޓުކޮށްފައިވަނީ އިއްޔެ 5:30 އެހާކަންހާއިރު ކަމަށެވެ.
“މުހައްމަދު އަހްޔާން ހުސައިން އެންމެ ފަހުން ފެނިފައިވަނީ ސެޕްޓެމްބަރު 27ވަނަ ދުވަހު ކަމަށާއި، އޭގެ ފަހުން ހަބަރެއް ނުވެގެން ފޯނަށް ގުޅުމުން ޖަވާބު ނުދޭތީ އާއިލާއިން އޭނާ ހޯދުމަށް ކުރި މަސައްކަތުން ފެނިފައިނުވާކަމަށް އާއިލާއިން ފުލުހުންނަށް މައުލޫމާތު ދީފައިވެއެވެ۔” ފުލުހުން ބުންޏެވެ.
މުހައްމަދު އަހްޔާން ހުސައިންއާ ބެހޭ އެއްވެސް މައުލޫމާތެއް ލިބިފައިވާ ފަރާތެއް ވާ ނަމަ، ނައިފަރު ޕޮލިސްގެ ނަންބަރު 9792187 އަށް ނުވަތަ ފުލުހުންގެ ހޮޓްލައިން ނަންބަރު 3322111 އަށް ގުޅައި އެ މައުލޫމާތެެއް ހިއްސާކުރުމަށް ފުލުހުން ވަނީ އެދިފައެވެ.
ކިޔުންތެރިންގެ ހިޔާލު