ފަޅުރަށްތަކާއި ބެހޭ އައު ޤާނޫނާއެކު ދަނޑުވެރިކަމާއި މެރިކަލްޗަރ ދައިރާއިން ރަނގަޅު ޕްރޮޕޯސަލްތައް ލިބި ކާބޯތަކެތީގެ ރަށްކާތެރިކަން ކަށަވަރުކުރުމަށް ކުރާ މަސައްކަތަށް ކުރިއެރުންތަކެއް ލިބޭނެ ކަމަށް ދަނޑުވެރިކަމާބެހޭ ވަޒީރު ވިދާޅުވެއްޖެއެވެ.
ވަޒީރުންގެ އަހާ ފޯރަމްގައި ވާހަކަފުޅު ދައްކަވަމުން ޝިޔާމް ވިދާޅުވީ، ރާއްޖޭގެ ކާބޯތަކެތީގެ ރައްކާތެރިކަން ކަށަވަރުކުރުމަށް ބަލާއިރު، އެންމެ ބޮޑު އެއް ކަންބޮޑުވުމަކީ ރާއްޖޭގައި އުފައްދާ ބާވައްތައްވެސް އިމްޕޯޓުކުރަން ޖެހިފައި އޮތުން ކަމަށެވެ. މިކަން ހައްލުކުރުމަށް ދަނޑުވެރިކަމާއި މެރިކަލްޗަރ ދާއިރާއިން މަސައްކަތް ކުރެވޭ ކަމަށް ވަޒީރު ވިދާޅުވިއެވެ.
ވަޒީރު ވިދާޅުވީ، މިހާރު ކުރަމުންދާ މަސައްކަތްތަކުގެ ތެރެއިން ދަނޑުވެރިކަން ކުރުމަށް މީހުން ދިރިއުޅޭ 10 ރަށަކާއެކު މަސައްކަތްތަކެއް ކުރަމުންދާކަމަށެވެ. އަދި ދަނޑުވެރިކަމުގެ ދައިރާއިން އިންވެސްޓްމެންޓް ހޯދުމަށް މިފަހުން ތަސްދީޤު ކުރެވުނު ފަޅުރައްތަކާއި ބެހޭ އައު ޤާނޫނުން ހައްލުތަކެއް ހޯދާފައިވާ ކަމަށް ވަޒީރު ވިދާޅުވިއެވެ. ޝިޔާމް ވަނީ މީގެ ކުރީގައި ފަޅުރަށްތައް ދޫކޮށްގެން ހިންގުން މަޝްރޫޢުތައް ރަނގަޅަށް ކުރިއަށް ނުގޮސް ހުރިކަން ފާހަގަކުރައްވާފައެވެ. އެހެން ކަމުން މި ޤާނޫނަށް އަމަލުކުރަން ފަށައި ޤާނޫނުގެ ދަށުން ހަދަން ޖެހޭ ޤަވާޢިދުތައް އައުމުން ދަނޑުވެރިކަމުގެ ދައިރާއިން ރަނގަޅު އިންވެސްޓްމެންޓުތަކެއް ލިބިގެން ކުރިއަށް ދެވޭނެ ކަމަށް ވަޒީރު ވިދާޅުވިއެވެ.
އައު ޤާނޫނާއިއެކު އެކަމަށް ވާނެ އެޑްރެސްކޮށްފައި. ހާއްސަކޮށް އިމްޕޯޓް ރިޕްލޭސް ކުރަން ބޭނުންނަމަ، އިންޕޯޓް ކުރާ މިންވަރު ދަށް ކުރަން ބޭނުންނަމަ އިންވެސްޓމެންޓްތަކަށް ޖާގަަ ދޭންޖެހޭ. އަދި ދިވެހިރާޢްޖެއިން ބޭރުވާ ބޭރުފައިސާ އެބަހިފެހެއްޓޭ. ބޮޑެތި އިންވެސްޓްމެންޓްތައް އެބައާދޭ.
އައު ޤާނޫނުގެ މަޤްޞަދު ހާސިލްވާކަން ފާހަގަކުރައްވާ ވަޒީރު ވިދާޅުވިއެވެ.
ވަޒީރު ވަނީ މި ޤާނޫނާއެކު މެރިކަލްޗަރ ދައިރާއިން ލިބިފައި ހުރި އިންވެސްޓްމެންޓް ފުރުސަތުތަކަށް އަމަލީ ސިފައެއް ގެނެވޭނެ ކަމަށް ވިދާޅުވެފައެވެ. ސަރުކާރުން މިދައިރާއިން ކުރިއެރުންތަކެއް ހޯދުމަށް މިހާރު މިމަސައްކަތް ކުރުމަށް 13 ސަރަހައްދެއް ކެބިނެޓް ފެންވަރުގައި ކަނޑައަޅާފައިވާކަން ވަޒީރު ޝިޔާމް ފާހަގަކުރެއްވިއެވެ. މި ސަރަހައްދުތަށް ހިމެނޭހެން މިހާރުވެސް އެ ވުޒާރާއަށް ޕްރޮޕޯލަސްތަކެއް ލިބިފައި ހުރިނަމަވެސް އެ ޕްރޮޕޯސަލްތައް އިވެލުއޭޓް ކުރެވޭނީ، ފަޅުރަށްތަކާއި ބެހޭ ޤާނޫނުގެ ދަށުން ހެދޭ ޤަވާޢިދުތައް އައުމުންކަން ވަޒީރު ފާހަގަކުރެއްވިއެވެ.
މީގެ ކުރިން އަޅުގަނޑުމެންނަށް ލިބިފައި ހުރި ޕްރޮޕޯސަލްތަކުގެ އިވެލުއޭޝަން ފެށެން އޮތީވެސް ޤަވާއިދު ނިމިގެން. އަޅުގަނޑުމެން އަމާޒު ހިފަނީ އޮކްޓޯބަރ މަހުގެ ފުރަތަމަ ހަފްތާގެ ތެރޭގައި ޤަވާއިދުތައް ނިންމާ އަޅުގަނޑުމެންނަށް ލިބިފައި ހުރި ޕްރޮޕޯސަލްތަކާއި އަޅުގަނޑުމެންނަށް އަލަށް ލިބޭ ޕްރޮޕޯސަލްތަކާއެކު ކުރިއަށް ދާން.
ވަޒީރު ޝިޔާމް ވިދާޅުވިއެވެ.
ޝިޔާމްގެ ވަނީ މެރިކަލްޗަރ ދައިރާއަކީ މިހާރުވެސް މަސައްކަތްތަކެއް ފެށިފައިވާ ދައިރާއެއް ނަމަަވެސް އެ ދައިރާއަށް ބޭނުންވަނީ ބޮޑު އިންވެސްޓްމެންޓްތައްކަން ފާހަގަކުރައްވައި، މިހާރު އެވަރުގެ އިންވެސްޓްމެންޓައް ފެންނަމުންދާކަމަށް ވިދާޅުވިއެވެ.
ކިޔުންތެރިންގެ ހިޔާލު