ސޯސަން މަގުގައި މިދިޔަ އާދިއްތަ ދުވަހުގެ ދަންވަރުގެ ވަގުތެއްގައި ދެ ސައިކަލެއް ޖެހި ހިނގި ނުރައްކާތެރި އެކްސިޑެންޓުގައި އަނިޔާވެ، އޭޑީކޭ ފަރުވާ ދެމުންދިޔަ ދިވެހި އަންހެން މީހާ މަރުވެއްޖެ އެވެ.
އިތުބާރު ހިފޭ މަސްދަރަކުން “މުޅިރާއްޖެ” އަށް ކަށަވަރުވެފައިވާ ގޮތުގައި އެ އަންހެން މީހާ މަރުވެފައިވަނީ އެކްސިޑެންޓުގައި އޭނާގެ ބޮލަށް ލިބުނު އަނިޔާތަކަށް އޭޑީކޭގެ އައިސީޔޫގައި ވެންޓިލޭޓަރުގައި ފަރުވާދެމުންދަނިކޮށް މިއަދު 17:26 އެހާކަންހާއިރެވެ.
އެނގިފައިވާ ގޮތުގައި، މަރުވެފައިވަނީ އައިޝަތު މާހިދާ 26އ އެވެ. އޭނާ މަސައްކަތް ކުރަމުން ދިޔައީ އިމިގްރޭޝަންގައެވެ.
އެނގިފައިވާ ގޮތުގައި އެ އެކްސިޑެންޓު ހިނގީ އާދިއްތަ ދުވަހުގެ ރޭ 1:50 ހާއިރު ސޯސަން މަގު ސިޓީ ބޭކަރީ ކުރިމަތިން ވޭވް 125 ބްރޭންޑުގެ ކަޅު ކުލައިގެ ސައިކަލަކާއި އެކްޒައިޓާ 150 ބްރޭންޑުގެ ސައިކަލެއް ޖެހިގެންނެވެ. އެ ތަނުން ވޭވް ސައިކަލުގައި ތިބީ އަންހެނަކާއި ފިރިހެނެކެވެ. އަނެއް ސައިކަލު ދުއްވަން އިނީ ފިރިހެނެކެވެ.
އެނގިފައިވާ ގޮތުގައި އަންހެން މީހާއަށް ފަރުވާ ދިނުމަށް ގެންދިޔައީ އޭޑީކޭ ހޮސްޕިޓަލަށެވެ. އޭނާއަށް ސީރިއަސް އަނިޔާތަކެއްވެފައިވާކަންވެސް އެނގިފައިވެއެވެ.
ކިޔުންތެރިންގެ ހިޔާލު