އދ ޢާންމު މަޖިލީހުގެ 81 ވަނަ ބައްދަލުވުމުގައި ހައްދުފަހަނައަޅާފައިވާ ޔަހޫދީގެ ބޮޑުވަޒީރު ބެންޖަމިން ނަތަންޔާހޫ ތަޤުރީރު ކުރަން ފެށުމުން، އޭނާ އިސްވެ ހުރެ ހިންގާ ޖަރީމާތަކާއި ދެކޮޅު ހެދުމުގެ ގޮތުން އޭނާގެ ތަގުރީރު ބޮއިކޮޓްކޮށް ދިވެހި ޑެލިގޭޝަން ހިމެނޭހެން ގިނަ އަދަދެއްގެ ޤައުމުތަކުގެ މަންދޫބުން މާލަން ދޫކުރައްވައި ވަޑައިގަންނަވައިފި އެވެ.
އެގޮތުން އދ ޢާންމު މަޖިލީހުގެ 81 ވަނަ ބައްދަލުވުމުގައި ރާއްޖެ ތަމްސީލު ކުރައްވަން ވަޑައިގެންނެވި ނާއިބު ރައީސް އަލްެއުސްތާޛު ހުސައިން މުޙައްމަދު ލަތީފާއި ޚާރިޖީ ވަޒީރު އިރުތިޝާމް އާދަމް އަދި ދިވެހި ޑެލިގޭޝަން ވަނީ ނަތަންޔާހޫގެ ތަޤުރީރު ބޮއިކޮޓްކޮށް މާލަމުން ނިކުމެވަޑައިގެންފަ އެވެ.
ނަތަންޔާހޫގެ ތަޤުރީރު ބޮއިކޮޓް ކުރި ޤައުމުތަކުގެ އަދަދު 70 ވުރެ ގިނަ އެވެ. އާންމު މަޖިލީހުގެ ހޯލު އެކަށްހެން ހުސްވުމުން ނަތަންޔާޙޫ ތަގުރީރު ފެށީ ރުޅިވެރިކަމާއެކު އެވެ. އަދި އޭނާ އިސްވެ އިޒްރޭލުން ހިންގާ ޖަރީމާތައް ދިފާޢު ކުރި އެވެ.
މީގެ އިތުރުން ގަތަރާއި ތުރުކީއަށް ފާޑުކިޔާ އެއީ އިޒްރޭލާއި ދެކޮޅު ޤައުމުތަކެއް ކަމަށް ބުންޏެވެ. އަދި ނިއުޔޯކުގެ މޭޔަރު ޒޮހްރާން މަމްދާނީ، އިންސާފަށް ވާހަކަ ދައްކަވާތީ ރުޅިވެރިކަމާއެކު ރައްދު ދިނެވެ.
މަމްދާނީ ވަނީ ނަތަންޔާހޫ އަކީ ހަނގުރާމައިގެ ޖަރީމާ ހިންގާފައިވާ މުޖުރިމެއް ކަމުން ބައިނަލްއަގުވާމީ ޖިނާއީ ކޯޓު (އައިސީސީ) އިން އޭނާ ހައްޔަރުކުރުމަށް ނެރެފައިވާ އަމުރު ތަންފީޒު ކުރަން ޖެހޭ ކަމުގައި ވިދާޅުވެފަ އެވެ.
ކިޔުންތެރިންގެ ހިޔާލު