ކުއްލިއްޔާ އޮފް އިސްލާމިކް ރިވީލްޑް ނޮލެޖް އެންޑް ހިޔުމަން ސައިންސަސް އިން މީސްމީޑިއާ އާއި ނަފްސާނީ ދުޅަހެޔޮކަމާ ގުޅޭގޮތުން ފުޅާ ދާއިރާއެއްގައި މަޝްވަރާކުރުމަށް ޚާއްޞަ ޢިލްމީ ބައްދަލުވުމެއް ބާއްވައިފިއެވެ.
މި ބައްދަލުވުމަކީ ނަފްސާނީ ދުޅަހެޔޮކަމާއި، މީޑިއާ، ޤާނޫނު، އަދި ދީނީ އިލްމުގެ ދާއިރާގެ މާހިރުން އެއްތަންވެ، ސޯޝަލް މީޑިއާގެ ސަބަބުން ފަރުދުންނާއި މުޅި މުޖުތަމަޢަށް ކުރާ އެކި ބާވަތުގެ އަސަރުތަކާ ބެހޭގޮތުން މަޢުލޫމާތު ބަދަލުކުރުމަށް ކުރިއަށްގެންދިޔަ މުހިންމު ހަރަކާތެކެވެ.
މި ޢިލްމީ ބައްދަލުވުމުގެ ޕެނަލް ޑިސްކަޝަނުގައި މައިގަނޑު ގޮތެއްގައި މަޝްވަރާ ކުރެވުނީ ނަފްސާނީ ދުޅަހެޔޮކަމާއި އަޚުލާގީ މިންގަނޑުތަކާއި ސުމޭކު ޙައްޤުތައް ރައްކާތެރިކުރުމާއެކު މީސްމީޑިއާގެ މަންފާތައް އެންމެ ފުރިހަމަ ގޮތުގައި ލިބިގަނެވޭނެ ގޮތްތަކާ ގުޅޭގޮތުންނެވެ. ވަކިވަކި ފަރުދުންނަށާއި މުޅި މުޖުތަމައަށް މިކަމުން ކުރާނެ ފައިދާތަކާމެދު ވަނީ ފުޅާ ދާއިރާއެއްގައި ވާހަކަދެކެވިފައެވެ.
މި ޕެނަލް ޑިސްކަޝަންގައި ބައިވެރިވެވަޑައިގަތީ އަލްފާޟިލާ ސަމާ އިބްރާހީމް ދީދީއާއި، އަލްފާޟިލާ ޒަމްޢަތު އަޙުމަދު ވަޙީދާއި، އަލްއުސްތާޛު އަޙުމަދު ނިޒާރު ޞާދިޤުގެ އިތުރުން އަލްއުސްތާޛާ ޢާއިޝަތު ފަޒްނާ އަޙުމަދެވެ. މި މުހިންމު ސެޝަން މޮޑަރޭޓް ކޮށްދެއްވީ އަލްއުސްތާޛު އިސްމާޢީލް ނާޖީއެވެ.
ކިޔުންތެރިންގެ ހިޔާލު