އދ. އޮމަދޫ ބަނދަރު ތަރައްޤީކުރުމުގެ މަސައްކަތުގެ %51 މަސައްކަތް ނިމިފައިވާކަމަށް އެމްޓީސީސީން ބުނެފިއެވެ.
އޮމަދޫ ބަނދަރަކީ މީގެ 25 އަހަރަށްވުރެ ގިނަ ދުވަސް ބަނދަރެކެވެ. ބަނދަރު ހަލާކުވުމުގެ ސަބަބުން ލަފާފުރުމަށް އޮތީ ވަރަށް ދަތިވެފައެވެ.
އެމްޓީސީސީން ބުނީ އޮމަދޫ ބަނދަރު ތަރައްޤީކުރުން ބާރު ދުވެލީގައި ކުރިއަށްދާކަމަށާއި، އެ މަޝްރޫޢޫގެ ބޮޑު ބައެއް ނިމިފައިވާކަމަށެވެ.
ޒަމާނީ ފެންވަރަށް އޮމަދޫގެ ބަނދަރު ތަރައްޤީކުރުމަށް ކުރިއަށްގެންދާ މަޝްރޫޢުގެ ދަށުން އެރަށުގައި49000 ކިއުބިކް މީޓަރަށްވުރެ ބޮޑު ސަރަޙައްދެއްގެ ބަނދަރު ފުންކޮށް، 12000 ކިއުބިކް މީޓަރަށްވުރެ ބޮޑު ސަރަޙައްދެއްގެ ނެރު ފުންކުރުމަށްވަނީ ހަމަޖެހިފައެވެ. އަދި 346 މީޓަރުގެ އެއްގަމު ތޮއްޓަކާއި 398 މީޓަރުގެ ބޭރު ތޮއްޓެއްލުމަށްވެސްވަނީ ހަމަޖެހިފައެވެ. މީގެ އިތުރުން ރޭމްޕެއް ހަދާ 150 މީޓަރު ދިގު ޖެޓީއެއް ހެދުމަށްވަނީވެސް ހަމަޖެހިފައެވެ. މިއީ 62 މިލިއަން ރުފިޔާ ޚަރަދުކޮށްގެން ކުރިއަށްގެންދާ މަޝްރޫއެކެވެ.
ކިޔުންތެރިންގެ ހިޔާލު