އދ. އޮމަދޫ ގޮންޑުދޮށް ޔަތްކުރުމުގެ މަޝްރޫޢު ނިމުމަކާ ގާތްވެއްޖެއެވެ.
މަޝްރޫޢުގެ ކޮންޓްރެކްޓަރ އެމްޓީސީސީން ބުނީ މި މަޝްރޫޢުގެ ދަށުން ހިލަ ގެނައުމާއި ޕްރޮފައިލް ކުރުމުގެ މަސައްކަތްތައް މިހާރު ނިމިފައިކަމަށެވެ. މަޝްރޫޢުގެ ޖުމްލަ 86 އިންސައްތަ މަސައްކަތް މިހާރު ނިމިފައިވާކަމަށެވެ. މި މަޝްރޫޢުގެ ދަށުން ކުރަން ހަމަޖެހިފައިވާ މައިގަނޑު މަސައްކަތްތަކަކީ ގިރާ ސަރަޙައްދަށް 19,000 ކިއުބިކް މީޓަރުގެ ވެލި އެޅުމާއި 214 މީޓަރުގެ ގްރޮއިން ޖެހުމެވެ.
އދ. އޮމަދޫ ގިރާ ސަރަޙައްދު ހިމާޔަތްކުރުމުގެ މަޝްރޫޢު އެމްޓީސީސީއާ ހަވާލުކުރީ 17 އޯގަސްޓް 2023 ގައެވެ. މި މަޝްރޫޢު އެމްޓީސީސީއާ ހަވާލުކުރީ 180 ދުވަހުގެ ތެރޭގައި ނިންމާ ގޮތަށް 10.1 މިލިއަން ދިވެހި ރުފިޔާއަށެވެ.
މި މަޝްރޫޢަކީ ދައުލަތުގެ ބަޖެޓުން 24.4 މިލިއަނަށްވުރެ ގިނަ ރުފިޔާ ޚަރަދުކޮށްގެން ކުރިއަށްގެންދާ މަޝްރޫޢެކެވެ. މިމަޝްރޫޢުގެ ދަށުން ބަނދަރު ފުންކުރުމާއި، ބޭރުތޮށި ލުމުގެ އިތުރުން އެއްގަމު ތޮށިލުމުގެ މަސައްކަތްތައް ހިމެނެއެވެ. އެގޮތުން ބަދަރު އެއްގަމު ތޮށީގެ 477 މީޓަރުގެ ކީވޯލް ބްލޮކް ޖައްސައި ނިމިފައިވާއިރު 188 މީޓަރުގެ އެއްގަމު ތޮށިލުމާއި ޕޭވްމަންޓް ކޮންކްރީޓް މަސައްކަތް ވެސް ނިމިފައިވާކަމަށް އެމްޓީސީސީން މައުލޫމާތުދެއްވައެވެ. މި ބަނދަރު ތަރައްޤީ ކުރެވިގެންދަނީ ޓީޖެޓީއަކާއި ވެސް އެކުގައެވެ.
އެމްޓީސީސީން ބުނީ ބަނދަރުގެ ޓީޖެޓީގެ ކީވޯލް އަދި ކޮންކްރީޓް މަސައްކަތްތައް ނިމިފައިވާއިރު، މިހާރު ކުރިއަށްދަނީ ޓީޖެޓީ ޕޭވްކުރުމުގެ މަސައްކަތްތައް ކަމަށެވެ.
ކިޔުންތެރިންގެ ހިޔާލު