އދ. އޮމަދޫ ބަނދަރު ތަރައްޤީކުރުމުގެ މަޝްރޫޢުގެ ދަށުން ބޮޑުހިލަ ޖެހުމާއި، އެއްގަމު ތޮށީގެ ބްލޮކް ބަހައްޓާ ފުންކުރުމާއި ބޭރު އެއްގަމު ތޮށީގެ ބްލޮކްތައް އަތުރައި ބެހެއްޓުމުގެ މަސައްކަތް ކުރިއަށްދާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.
މިމަޝްރޫޢުގެ ދަށުން 49،765 ކިއުބިކް މީޓަރުގެ ސަރަހައްދެއް ފުންކުރުމާއި، 12،105 ކިއުބިކް މީޓަރުގެ ސަރަޙައްދެއްގެ ނެރު ފުންކުރުމާއި، 346 މީޓަރުގެ ސަރަޙަދެއްގެ އެއްގަމު ތޮށިލުމާއި، 398 މީޓަރުގެ ސަރަޙަައްދެއްގައި ބޭރުތޮށިލުމުގެ އިތުރުން 208 މީޓަރުގެ ސަރަަޙައްދެއްގެ ރިވެޓްމެންޓް ޖެހުމާއި، 1،6470 އަކަ މީޓަރުގެ ސަރަޙައްދެއްގެ ހާބަރ ޕޭވްމެންޓް ހެދުމާއި އަދި 150 މީޓަރު ދިގު 2 މީޓަރު ފުޅާ ޖެޓީއެއް ހެދުމަށްވަނީ ހަމަޖެހިފައެވެ. މީގެ އިތުރުން، ރޭމްޕެއް ހެދުމާއި، ނެރު ބައްތި އާއި ބަނދަރު ބައްތި ހަރުކުރުން ވެސް މި މަޝްރޫއުގައި ހިމެނެއެވެ.
މިއީ 66.96 މިލިއަން ރުފިޔާއަށް 630 ދުވަސް ތެރޭގައި ނިންމުމަށް އެމްޓީސީސީއާ ހަވާލު ކުރެވިފައިވާ މަޝްރޫޢުއެކެވެ.
އާބާދީގައި 853 މީހުން ދިރިއުޅޭ އޮމަދޫއަކީ ލޯކަލް ޓޫރިޒަމްގައި ކުރިއަރާފައިވާ ރަށެކެވެ. މިރަށަކީ މަސްވެރިކަންވެސް ކުރާ ރަށަކަށްވުމާއެކު ރަށަށް ކުރިމަތިވެފައިވާ އެންމެ ބޮޑު މައްސަލައަކީ ރަށުގެ ދުވަސްވެފައިވާ ބަނދަރު ބާވެ ހަލާކުވެފައިވުމެވެ.
ބަނދަރު ތަރައްޤީކޮށް ނިމުމުން ލަފާފުރުމުގެ ފަސޭހަވުމުގެ އިތުރުން އިޤްތިސާދީގޮތުންވެސް ފައިދާތަކެއް އޮމަދޫގެ ރައްޔިތުންނަށް ލިބިގެންދާނެއެވެ.
އެމްޓީސީސީން އަންނަނީ ރާއްޖޭގެ އެކި ސަރަޙައްދުގައި، ތަރައްްޤީގެ ގިނަ މަޝްރޫޢުތަކުގެ މަސައްކަތް ކުރަމުންކަން ފާހަގަކޮށްލެވެއެވެ.
ކިޔުންތެރިންގެ ހިޔާލު