މެލޭޝިއާގެ އެޝިއާ ޕެސިފިކް ޔުނިވާސިޓީ (އޭޕީޔޫ) ގައި މަތީ ތައުލީމު ހާސިލުކުރަން ބޭނުންވާ ދިވެހި ދަރިވަރުންނަށް އަމާޒުކޮށްގެން، ޔުނިވާސިޓީއަށް އެޕްލިކޭޝަން ހުށަހެޅުމުގެ ހާއްސަ ހަރަކާތެއް މާލޭގައި ބޭއްވުމަށް ހަމަޖެހިއްޖެއެވެ.
އަންނަ ޖުލައި މަހުގެ 31 ވަނަ ދުވަހުން ފެށިގެން އޮގަސްޓު މަހުގެ 1 ވަނަ ދުވަހުގެ ނިޔަލަށް ކުރިއަށް ގެންދާ މި ހަރަކާތް އޮންނާނީ މާލޭގެ މާގިރި ހޮޓަލުގެ ދެވަނަ ފަންގިފިލާގައި ހުންނަ މީޓިން ރޫމުގައެވެ. މި ހަރަކާތް ކުރިއަށް ދާނީ ދެ ދުވަހު ވެސް ހަވީރު 5:00 އިން ރޭގަނޑު 9:00 އަށެވެ.
މި ހަރަކާތުގެ މައިގަނޑު މަގުސަދަކީ މެލޭޝިއާގައި މަތީ ތައުލީމު ހާސިލުކުރަން ބޭނުންވާ ދަރިވަރުންނަށް އެ ޔުނިވާސިޓީން ލިބެން ހުރި ކޯސްތަކާއި، ކިޔެވުމުގެ ފުރުސަތުތަކާ ގުޅޭ މައުލޫމާތު ފޯރުކޮށްދިނުމެވެ. އަދި އެތަނުގައި ތިބެގެން ސީދާ އެޕްލިކޭޝަން ހުށަހެޅުމުގެ އިންތިޒާމުތައް ވެސް މި ހަރަކާތުގެ ތެރެއިން ހަމަޖެހިފައިވެއެވެ.
މި ހަރަކާތަށް ހާޒިރުވާ ފަރާތްތަކަށް ޔުނިވާސިޓީގެ ތަޖުރިބާކާރުންގެ ފަރާތުން ކޯސްތަކާ ބެހޭ ގޮތުން ސުވާލުކޮށް، ކިޔެވުމާ ގުޅޭ އިތުރު ތަފުސީލުތައް ސީދާ އޮޅުން ފިލުވޭނެ އިންތިޒާމު ހަމަޖެހިފައިވެއެވެ. މިއީ މަތީ ތައުލީމު ހާސިލުކުރުމަށް ރާއްޖެއިން ބޭރަށް ދާން ބޭނުންވާ ދަރިވަރުންނަށް ލިބޭ ރަނގަޅު ފުރުސަތެކެވެ.
ކިޔުންތެރިންގެ ހިޔާލު