ވޯލްޑް ކަޕް ފުޓްބޯޅަ މުބާރާތަށްފަހު އެނބުރި ޤައުމަށް ނުގޮސް ކެޕްޓަން ލިއޮނަލް މެސީ، އެމެރިކާގައި މަޑުކޮށްފިއެވެ.
މެސީ އެމެރިކާގައި މަޑުކޮށްފައިވާއިރު، އެހެން ބައެއް ކުޅުންތެރިންވެސް އެމެރިކާގައި މަޑުކޮށް، އަދި އެހެން ބައެއް މަންޒިލްތަކަށް ވަނީ ދިއުމަށް މިސްރާބު ޖަހާފައެވެ.
އެނބުރި ޤައުމަށް ދިޔަ ކުޅުންތެރިންނާއި އޮފިޝަލުންނަށް ވަނީ ރަތްދޫލައިގެ މަރުޙަބާއެއް ކިޔާފައެވެ. ޓީމާއެކު އެނބުރި ޤައުމަށް ދިޔަ ބައެއް ކުޅުންތެރިންގެ ތެރޭގައި ގޯލްކީޕަރު އެމެލިއާނޯ މާޓިނޭޒާއި ކޯޗު ލަޔޮނަލް ސްކަލޯނީ ހިމެނެއެވެ.
2022 ވަނަ އަހަރުގެ ޗެމްޕިއަނުންގެ ގޮތުގައި ތިބޭ، ދިފާޢުކުރަން ނިކުތް ފައިނަލް މެޗުގައި އާޖެންޓީނާ ސްޕެއިން ކައިރިން ބަލިވީ އިތުރުވަގުތުގައި ޖެހި ގޯލުން 0-1ގެ ނަތީޖާއަކުންނެވެ.
ޓީމާއެކު ގައުމަށް ނުދަނީ މެޗުގައި ރަތްކާޑު ދެއްކި އެންޒޯ ފެނާންޑޭޒް އާއި ލައުޓާރޯ މާޓިނޭޒް އާއި ހޫލިއަން އަލްވަރޭޒް އާއި ޖަރޮނީމޯ ރުއްލީ އާއި ނޮކޯ ޕަޒް އަދި ކްރިސްޓިއަން ރޮމޭރޯ އާއި މޮލީނާ އަދި ހުއާން މޫސޯ އެވެ. އާޖެންޓީނާގެ މީޑިޔާތަކުން ބުނާ ގޮތުގައި މި ކުޅުންތެރިން އިހްތިޔާރު ކުރީ އެ މީހުންގެ ކުލަބާ ގުޅެން ނުވަތަ ޗުއްޓީ އަށް ކޮންމެވެސް ގައުމަކަށް ދިއުމަށެވެ.
މެސީ އެމެރިކާގައި މަޑުކުރީ އޭނާ ދިރިއުޅެނީ އެ ގައުމުގައި ކަމަށްވާތީއެވެ. އޭނާއާއެކު އެމެރިކާގެ އިންޓަ މިއާމީ އަށް ކުޅޭ ރޮޑްރީގޯ ޑިޕޯލް އާއި މެސީ ކުލަބާ ގުޅޭނީ ޗުއްޓީ ހޭދަކުރުމަށްފަހުއެވެ.
އާޖެންޓީނާގެ ސަރުކާރުން ވަނީ ޓީމަށް މަރުހަބާ ކިއުމަށް މާބޮޑު ރަސްމިއްޔާތެއް ނުބާއްވަން ނިންމައިފައެވެ. ނަމަވެސް ޓީމުން ނިންމާ ކޮންމެވެސް ދުވަހެއް އުފާފާޅުކުރުމުގެ ދެުވަހެއްގެ ގޮތުގައި ކަނޑައަޅައި ސަރުކާރު ބަންދުކުރުމަށް ވަނީ ނިންމާފައެވެ.
ކިޔުންތެރިންގެ ހިޔާލު