ހިމަބިއްސަށް ޕޮޒިޓިވްވެ، އައިޖީއެމްއެޗްގައި ފަރުވާދެމުންދިޔަ އުމުރުން 24 އަހަރުގެ ދިވެހި ޒުވާނަކު މިއަދު ނިޔާވެއްޖެއެވެ.
މި ބަލީގައި ނިޔާވެފައިވަނީ ގދ. ފިޔޯރީ، ޑްރީމީލައިޓް، އުމުރުން 24 އަހަރުގެ އިބްރާހީމް ދިޔާޝް ރަޝީދެވެ. އޭނާ ނިޔާވީ ހިމަބިއްސަށް ޕޮޒިޓިވްވެގެން އައިޖީއެމްއެޗްގައި އެޑްމިޓްކޮށްގެން ފަރުވާދެމުން ދަނިކޮށެވެ. މައުލޫމާތު ލިބިފައިވާ ގޮތުގައި، މިއަދު ނިޔާވި ޒުވާނާއަކީ ހަށިގަނޑުގެ ބަލިތަކުން ދިފާއުވުމުގެ ނިޒާމު ކުރިންވެސް ވަރަށް ބޮޑަށް ބަލިކަށިވެފައިވާ ފަރާތެކެވެ.
ރާއްޖެއިން މީގެ ކުރިން ހިމަބިހި ނައްތާލެވިފައިވާ ކަމަށް ކަނޑައަޅާފައި އޮތް ނަމަވެސް، ދޭތެރެއަކުން މި ބަލީގެ ކޭސްތައް ފެންނަމުންދެއެވެ. މިކަމާ ގުޅިގެން ކަމާބެހޭ ސިއްހީ އިދާރާތަކުން ވަނީ ބައްޔަށް ސަމާލުވުމަށާއި، ރައްކާތެރިކަމުގެ ފިޔަވަޅުތައް އެޅުމަށް އާންމުންނަށް އިލްތިމާސްކޮށްފައެވެ.
ކިޔުންތެރިންގެ ހިޔާލު