ޤައިދީންނާއި ބަންދުގައި ތިބޭ މީހުންނަށް ފޯރުކޮށްދެމުންދާ ސިއްޙީ ފަރުވާގެ ފެންވަރު ރަނގަޅުކުރުމުގެ ގޮތުން އިދާރީ މަސައްކަތްކުރުމަށް ހުޅުމާލެ ހޮސްޕިޓަލުގައި، “ކަރެކްޝަނަލް ހެލްތްކެއަރ ސަޕޯރޓް”ގެ ނަމުގައި ޕޯސްޓެއް ހުޅުވައިފިއެވެ.
ޤައިދީންނާއި ބަންދުމީހުންނަށް ފޯރުކޮށްދެމުންދާ ސިއްޚީ ފަރުވާ ތަރައްޤީކުރުމުގެ ގޮތުން، އިދާރީ މަސައްކަތްކުރުމަށް ހުޅުމާލެ ހޮސްޕިޓަލް @HMH_mv ގައި "ކަރެކްޝަނަލް ހެލްތްކެއަރ ސަޕޯރޓް" ގެ ނަމުގައި ޕޯސްޓެއް މިއަދު ހުޅިވައިފި.
މިރަސްމިއްޔާތުގައި ހުޅުމާލެ ހޮސްޕިޓަލްގެ ސީނިއަރ… pic.twitter.com/9eWaDCHLrq
Advertisement— Maldives Correctional Service (@CorrectionsMv) October 6, 2026
އެކަމަށްޓަކައި ހުޅުމާލޭ ހޮސްޕިޓަލުގައި ބޭއްވި ރަސްމިއްޔާތުގައި ހުޅުމާލެ ހޮސްޕިޓަލްގެ ސީނިއަރ މެނޭޖްމަންޓާއި ކަރެކްޝަންސްގެ ސީނިއަރ މެނޭޖްމަންޓް ބައިވެރިވެ ވަޑައިގެންނެވިއެވެ. އަދި “ކަރެކްޝަނަލް ހެލްތްކެއަރ ސަޕޯރޓް” ޕޯސްޓް ހުޅުވުމަށްފަހު، މަސައްކަތްތަކާބެހޭ ގޮތުން ބައްދަލުވުމެއް ކުރިއަށް ގެންގޮސްފައިވާކަމަށް އެ އިދާރާއިން ބުންޏެވެ.
ގައިދީންނާއި ބަންދުގައި ތިބޭ މީހުންނަށް ބޭސްފަރުވާ ކޮށްދިނުމަށް ގާނޫނުން ލާޒިމްކުރެއެވެ.އަދި ސިއްޙީ ފަރުވާއަކީ ޤައިދީންނަށް ފޯރުކޮށްދޭންޖެހޭ އަސާސީ ޚިދުމަތެއްކަމަށް ވާއިރު ތަފާތު ކުރުމެއް ނެތި ގައިދީންނަށް ސިއްޙީ ފަރުވާ ފޯރުކޮށްދިނުމަށް ކަމާއި ގުޅުން ހުރި އިދާރާތަކުން މަސައްކަތްކުރެއެވެ.
ކިޔުންތެރިންގެ ހިޔާލު