އިދިކޮޅު އެމްޑީޕީގެ ޖަލްސާތައް ހުށަހަޅައިދޭ، އެ ޕާޓީގެ ތިމަރަފުށީ ދާއިރާގެ ރައީސް އަންވަރު އިބްރާހީމް ބަންދުކޮށްގެން ސިވިލް ކޯޓަށް ހާޒިރުކުރުމަށް ފުލުހުންގެ މައްޗަށް ކޮށްފައިވާ އަމުރު މިއަދު ބާތިލުކޮށްފިއެވެ.
ފުލުހުން މިއަދު މެންދުރު ވަނީ އަންވަރު ބަންދުގައި ބަހައްޓައިގެން ކޯޓަށް ހާޒިރުކުރުމަށް އިއުލާނުކޮށްފައެވެ. އެ އިދާރާއިން އޭރު ބުނެފައިވަނީ އޭނާ ހޯދަމުންދިޔައީ ސިވިލް ކޯޓަށް ހުށަހެޅިފައިވާ މައްސަލައަކާ ގުޅިގެން ކޯޓަށް ހާޒިރުވާން އަންގައި، ހާޒިރުވެފައި ނުވާތީ ކަމަށެވެ. އެހެންނަމަވެސް، ކުޑަ ވަގުތުކޮޅެއްގެ ތެރޭގައި ފުލުހުން ވަނީ އަންވަރު ހޯދުމަށް ކުރި އިއުލާނު ނަގާފައެވެ. ސިވިލް ކޯޓުން މި އަމުރު ބާތިލުކުރި ވަކި ސަބަބެއް މިހާތަނަށް ރަސްމީކޮށް ހާމަކޮށްފައެއް ނުވެއެވެ.
އަންވަރު އިބްރާހީމަކީ އިދިކޮޅު އެމްޑީޕީގެ ސިޔާސީ ހަރަކާތްތަކުގައި ވަރަށް އިސްކޮށް އުޅޭ ފަރާތެކެވެ. އެގޮތުން އެ ޕާޓީގެ އާންމު ޖަލްސާތައް ހުށަހަޅައިދިނުމުގެ އިތުރުން، މަގުމަތީގައި ބާއްވާ އެކިއެކި އިހުތިޖާޖުތަކާއި މުޒާހަރާތަކުގައި ވެސް އޭނާ އަންނަނީ އިސް ސަފުގައި ހަރަކާތްތެރިވަމުންނެވެ. އޭނާއަކީ އެމްޑީޕީގެ ތިމަރަފުށީ ދާއިރާގެ ރައީސްގެ މަގާމުވެސް ފުރަމުން އަންނަ މެންބަރެވެ.
ކިޔުންތެރިންގެ ހިޔާލު