ސިޔާސީ ޕްރެޝަރާއި ދަތިތަކާއެކުވެސް އެމެރިކާގައި ކުޅުނު މެޗުން އީރާނުން ޕޮއިންޓަކުން ފަށައިފިއެވެ.
ވިސާ ދިނުމުގައާއި އެނޫންވެސް ގޮތްގޮތުން އެމެރިކާއިން އީރާނަށް ކުރިމަތިކުރުވާ ދަތިތަކާއި، މެކްސިކޯގައި ކޭމްޕްކޮށްގެން ސީދާ މެޗަށް އެމެރިކާއަށް ދަތުރުކޮށް ނިއުޒިލޭންޑާ ދެކޮޅަށް ކުޅުނު މެޗުން ވަނީ އެއްވަރުކޮށްފައެވެ. 2-2އިން އެއްވަރުވެ މެޗުން ވަނީ އެއް ޕޮއިންޓު ލިބިފައެވެ.
މެޗުގައި ދެފަހަރުވެސް ނިއުޒިލޭންޑުން ކުރި ހޯދާފައިވަނިކޮށް އީރާނުން ވަނީ ފަހަތުން އަރައި ނަތީޖާ އެއްވަރުކޮށްފައެވެ.
ނިއުޒިލެންޑުން ލީޑް ނެގީ މެޗު ފަށައިގެން ހަތްވަނަ މިނިޓްގައި އެލައިޖު ޖަސްޓް އެވެ. މިއީ މެޗުގައި އިރާނުން ފޮނުވާލި ފުރަތަމަ ހަމަލާވެސް މެއެވެ. ގޯލް ޖަހަން ފުރުޞަތު ތަނަވަސްކުރުމުގައި އެންމެ މުހިއްމު ދައުރެއް އަދާކުރީ ކްރިސްޓަލް ޕެލަސްގެ ފޯވާޑް ކްރިސް ވުޑް އެވެ. އިރާނުން ނަތީޖާ ހަމަހަމަކުރީ ހާފް ނިމުމުގެ ކުރިން 32 ވަނަ މިނިޓްގައި ރަމިން ރެޒައްޔާން އެވެ. ހައިޑްރޭޝަން ބްރޭކަށްފަހު ވަރަށް އަވަހަށް ފަށާ އޭނާ ގޯލް ޖެހީ ކީޕަރަށް އެއްވެސް ފުރުޞަތެއް ނުދީއެވެ. ގޯލް ބަލައިގަތީ އޮފްސައިޑްތޯވެސް ޔަގީން ކުރުމަށްފަހުއެވެ.
ދެވަނަ ހާފްވެސް ރަނގަޅަށް ފަށާ، ނިއުޒިލެންޑުން ދެވަނަ ފަހަރަށް ލީޑް ނެގީ ދެވަނަ ހާފް ފަށައިގެން 9 ވަނަ މިނިޓްގައެވެ. މިލަނޑުވެސް ޖެހީ އެލިއަހު ޖަސްޓް އެވެ. މިލަނޑުގައިވެސް ކްރިސް ވުޑްގެ ހިއްސާ ބޮޑެވެ. އޭގެ ދިހަ މިނިޓް ފަހުން އިރާނަށް ދެވަނަ ފަހަރަށް ނަތީޖާ ހަމަހަމަކޮށްދިނީ މުހައްމަދު މޮހެބީ އެވެ. މިއީ އިރާނުގެ ފުރަތަމަ ލަނޑު ޖެހިރަމިން ރެޒައެއިއަން ތަނަވަސްކޮށްދިން ފުރުޞަތަކުން ޖެހި ލަނޑެކެވެ.
މިގްރޫޕްގެވެސް ފުރަތަމަ ދެ މެޗު ނިމިފައި ވަނީ އެއްވަރު ވެގެންނެވެ. ފުރަތަމަ މެޗުގައި ބެލްޖިއަމް އާއި މިޞްރު އެއްވަރުވީ 1-1 ނެވެ.
މި މެޗު ބެލުމަށް ހަތްދިހަ ހާހަށްވުރެ ގިނަ މީހުން ވަނެވެ.
ކިޔުންތެރިންގެ ހިޔާލު