ހުޅުމާލެ ފަޅުތެރެއަށް ވަލެއް އައްސަން ފޭބި މީހަކު ގެއްލިގެން ހޯދަމުން ދަނިކޮށް ސީ ޕްލޭން ޓާމިނަލްގެ ފަޅުތެރެއިން ފެނިއްޖެއެވެ.
މެރިން ފުލުހުން ރޭ ފޭސްބުކުގައި ކުރި ޕޯސްޓެއްގައި ބުނެފައިވަނީ އިއްޔެ 18:30 އެހާކަންހާއިރު ހުޅުމާލެގެ ސްޓެލްކޯއާ ދިމާލުން ފަޅުތެރެއަށް ވަލެއް އެއްސުމަށް ފޭބި ދިވެހި ފިރިހެނަކު ގެއްލިގެން ހޯދަމުންދާ ކަމަށެވެ.
އެ މީހާ ހޯދުމުގެ މަސައްކަތް މެރިން ފުލުހުންނާއި ކޯސްޓް ގާޑުން ކުރަމުންދާ ކަމަށެވެ.
އެމްއެންޑީއެފުން މިއަދު ބުނީ ހުޅުލޭ ސީ ޕްލޭން ޓާމިނަލްގެ އުތުރުން އޮންނަ ފަޅުގައި އަޅާފައި އޮތް ތެޔޮ ބާޖަކުން މޫދަށް ފޭބި ފަޅުވެރިޔާ ހޯދަމުން ދަނިކޮށް، ސީ ޕްލޭން ޓާމިނަލްގެ ފަޅުތެރެއިން ފެނިފައިވާ ކަމަށެވެ.
ކިޔުންތެރިންގެ ހިޔާލު