ޑީއެންއާރުގެ ކާޑު މައްސަލައާއި އަދަދު ނޫހާމެދު ހޯމް މިނިސްޓަރ ކަންކަން ކުރެއްވީ ރަގަޅަށްސިއްކަ ޖެއްސުމަށްފަހު މިހާރު މުޒާހަރާ ކުރުމުގެ ބޭނުމަކީ ކޮބައިތޯ އެމްޑީޕީ ސަރުކާރުގައި ހައުސިން މިނިސްޓަރުގެ ސްޓޭޓް މިނިސްޓަރުކަންކުރެއްވި އަކްރަމް ކަމާލުއްދީން ވިދާޅުވެއްޖެއެވެ.
ވަޒީރުންގެ މަޖިލީހުގެ މެންބަރުންނަށް ރުހުން ދިނުމާއިމެދު އިއްޔެ މަޖިލީހުގެ ތަޅުމުގައި ނެގި ވޯޓްގައި ވަޒީރުންނަށް ރުހުންދޭން ފެންނަ ކަމަށް އެމްޑީޕީގެ ގިނަ މެންބަރުންތަކެއް ވޯޓު ދިނުމާއި ގުޅިގެން އެމްޑީޕީގެ އެތެރޭގައި ވަނީ ޚިޔާލުތަފާތުވުން އުފެދި ބޮޑެތި ދެބަސްވުންތަކެއް އުފެދިފައެވެ. އެމްޑީޕީގެ އެތެރޭގައި ކޯޅުން ބޮޑުވެފައިވަނިކޮށް އަކްރަމް ކަމާލުއްދީން ކުރެއްވި ޕޯސްޓެއްގައި ވަނީ އެމްޑީޕީގެ ޤަވާއިދުގައި ބުނަނީ ޕީޖީ ގްރޫޕުން މަޖިލިހުގައި ވޯޓުދޭއިރު ޕާޓީގެ ސިޔާސަތުތަކަށް ބާރު އަޅަންވާނެ ކަމަށް ވިދާޅުވެފައެވެ. އަކްރަމް ވަނީ ވަޒީރުންނަށް ރުހުން ދޭން އެމްޑީޕީން ނިންމިއިރު އެ ޕާޓީގެ ރައީސް ޝާހިދުއާ މަޝްވަރާ ކުރެއްވިތޯ ސުވާލު ކުރެެއްވިތޯ ސުވާލު އުފާލުކުރައްވާފައެވެ. އަކްރަމް ވަނީ ހޯމް މިނިސްޓަރު އިހްސާނަށް ރުހުންދޭން ވޯޓް ދިނުމުން ޑީއެންއާރުގެ ކާޑު މައްސަލަ އާއި އަދަދު ނޫހާމެދު ހޯމް މިނިސްޓަރ ކަންކަން ކުރެއްވީ ރަގަޅަށް ކަމަށް ނިންމެވުނީ ކަމަށެވެ. އެހެން ކަމުން ރޭގަނޑު ނިކުމެ މުޒާހަރާ ކުރުމުގެ ބޭނުމަކީ ކޮބައިތޯ އަކްރަމް ސުވާލުކުރެއްވިއެވެ.
އަކްރަމް ވަނީ އެމްޑީޕީގެ ޗެއަޕާސަންކަމަށް ވާދަކުރައްވާ މީކާއީލް ނަސީމްގެ ޤާބިލު ކަމާއި އޭނާގެ ނަޒާހަތްތެރިކަމާމެދުވެސް ދުވާލު އުފައްދަވާފއެވެ.
ޕާޓީގެ ޤަވާއިދުގައި ބުނަނީ ޕީޖީ ގްރޫޕުން މަޖިލިހުގައި ވޯޓުދޭއިރު ޕާޓީގެ ސިޔާސަތުތަކަށް ބާރު އަޅަންވާނެ ކަމަށް.
މީގެ ކުރިން ހަދާގޮތަށް މިވަރުގެ ކަމެއްގައި ޕާޓީގެ ޕީޖީ ގްރޫްޕް
ފިޔަވާ އެހެން ގުނަނެއްގައި މަޝަވަރާ ކުރެވުނުތޯ ނުވަތަ ލަފައެއް ހޯދުނުތޯ؟ޕާޓީގެ ސިޔާސީ އެންމެ އިސްފަރާތް… https://t.co/QFhpv2ZNOx pic.twitter.com/cX9zyvCpro
— Akram Kamaludeen (@Akramkdeen) May 1, 2026
ވަޒީރުންގެ ވޯޓްގައި މަޖިލީހުގައި ހިމެނޭ އެމްޑީޕީގެ 12 މެންބަރުންގެ ތެރެއިން ހުޅުމާލެ އުތުރު ދާއިރާގެ މެންބަރު އަޙްމަދު ޝަމްހީދާއި ގަލޮޅު އުތުރު ދާއިރާގެ މެންބަރު މުހައްމަދު އިބްރާހީމް (ކުޑޫ) އާއި ވަގުތީ ޗެއާޕާސަން އަދި ހަނިމާދޫ ދާއިރާގެ މެންބަރު އަބްދުލްޣަފޫރު މޫސާއާ ކެންދޫ ދާއިރާގެ މެންބަރު މައުރޫފް ޒާކިރާއި ތޮއްޑޫ ދާއިރާގެ މެންބަރު ހުސައިން ސަމީރާއި ކެޔޮދޫ ދާއިރާގެ މެންބަރު މުޙައްމަދު ނިއުޝާދާއި މާވަށު ދާއިރާގެ މެންބަރު އަހްމަދު ޝާކިރާއި މަރަދޫ ދާއިރާގެ މެންބަރު އަހްމަދު ދީދީ ވަނީ ގިނަ ވަޒީރުންނަށް ރުހުންދޭން ފެންނަ ކަމަށް ވޯޓް ދެއްވާފައެވެ.
މިއާއެކު އެމްޑީޕީއަށް ގިނަ ބައެއްގެ ފާޑުކިޔުން ވަނީ އަމާޒުވެފައެވެ.
ކިޔުންތެރިންގެ ހިޔާލު