މާލޭ ކަސްޓޯޑިއަލްގައި ފުލުހުންގެ ބަންދުގައި ހުރި ދިވެހި ފިރިހެނަކު މިއަދު މަރުވެއްޖެ ކަމަށް ފުލުހުން ބުނެފިއެވެ.
މަރުވެފައި ވަނީ މ. ރޭއަލިވާގެ، އަޙްމަދު ނައުޝާދު41، އެވެ.
ފުލުހުން މައުލޫމާތު ދިން ގޮތުގައި، މާލޭ ކަސްޓޯޑިއަލްގެ ގޮޅީގެ ތެރޭގައި އޭނާ ޚަބަރު ހުސްވެފައި އޮއްވާ ފެނިގެން، މިއަދު އިރުއޮއްސުނު ވަގުތު އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އަށް ވަނީ ގެންގޮސްފައެވެ. ނަމަވެސް، ހޮސްޕިޓަލަށް ގެންދިޔައިރު ވެސް އޭނާ މަރުވެފައިވާ ކަމަށް ޑޮކްޓަރުން ވަނީ ބުނެފައެވެ.
ބަންދުގައި ހުންނަ މީހަކު މަރުވުމުން އަމަލުކުރަންޖެހޭ އުސޫލުތަކުގެ ދަށުން، ފުލުހުން ވަނީ މި ހާދިސާގެ މައުލޫމާތު ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް). ނޭޝަނަލް އިންޓެގްރިޓީ ކޮމިޝަން (އެންއައިސީ) އާ ހިއްސާކޮށްފައެވެ.
މި ހާދިސާއާ ގުޅިގެން ބަލަންޖެހޭ ކަންކަން ބަލައި، އިތުރު ތަހުގީގުތައް ފުލުހުން މިހާރު ދަނީ ކުރިއަށްގެންދަމުންނެވެ. އޭނާ މަރުވި ސީދާ ސަބަބެއް ފުލުހުން އަދި ހާމަކޮށްފައެއް ނުވެއެވެ.
ކިޔުންތެރިންގެ ހިޔާލު