ރަސްފަންނުގައި ބްރޭކްވޯޓާ ރީޕްރޮފައިލް (ބޭރުތޮށި މަރާމާތު) ކުރުމުގެ މަސައްކަތް ފަށައިފި އެވެ.
ރަސްފަންނު މަރާމާތު ކުރުމުގެ މަސައްކަތްތަކެއް ކުރިއަށް ގެންދާތީ އެތަން ވަގުތީ ގޮތުން ބަންދުކޮށްފައިވާކަމަށް ކޮންސްޓްރަކްޝަން، ހައުސިން އެންޑް އިންފްސްޓްރަކްޗާ މިނިސްޓްރީން ބުނީ ނިމިދިޔަ ބުރާސްފަތި ދުވަހުއެވެ.
އެ މަސައްކަތް ކުރިޔަށްގެންދާ އެމްޓީސީސީން އިއްޔެ ބުނީ އެންމެ ބޮޑު އިސްކަމެއް ދެނީ މެއިންޓެނެންސްގެ މަސައްކަތް ވީހާވެސް އަވަހަކަށް ނިންމައި، ރަސްފަންނު ވީހާވެސް އަވަހަކަށް އާންމުންނަށް ހުޅުވާލުމަށް ކަމަށެވެ.
މި މަސައްކަތުގެ ތެރޭގައި، ގޮނޑުދޮށް ގިރުމުގެ މައްސަލަ ހައްލުކުރުމާއި، ބޭރު ތޮއްޓަށް ބައެއް ބަދަލުތައް ގެނެސް މޫދަށް އެރޭ ސަރަހައްދުގައި ފެން ދައުރުވުން ރަނގަޅުކުރުމާއި ރަސްފަންނު ސަރަހައްދުގައި ފެން ހިންދާ ރަނގަޅު ނިޒާމެއްގެ ހެދުމަށް ހަމަޖެހިފައިވާ ކަމަށް އެމްޓީސީސީން ބުނެއެވެ.
ރަސްފަންނަކީ މާލެ ސިޓީގެ ހުޅަނގުފަރާތުގައި ދިރިއުޅޭ ގިނަ އަދަދެއްގެ ރައްޔިތުން ހިތަފަސޭހަކޮށްލުމަށާއި މޫދަށް އެރި އުޅުމަށާއި އަދި ކުޑަކުދީން ގޮވައިން ހަވީރު ހިނގާލަން ގޮސްއުޅޭ ސަރަހައްދެކެވެ. މީގެ އިތުރުންވެސް އެ ސަރަހައްދުގެ ވެސްޓްޕާކާ ވީ ފަޅީން މޫދާ ދިމާލުން ހުންނަ އުސްތަނަކީ ވަރަށް ގިނަ ބަޔަކު މަސްބާނަންދާ ސަރަހައްދެއްވެސް މެއެވެ.
އޭގެ އިތުރުން ރަސްފަންނުގައި ޓޭކްއަވޭ ތަނަކާއި ބާބަކިއު އޭރިޔާއެއްގެ އިތުރުން އެތަނަށް ޒިޔާރަތް ކުރާ ފަރާތްތައް މަޑުކޮށްލަން ޖޯލިފަތި ބަހައްޓާފައިވެއެވެ.
ކިޔުންތެރިންގެ ހިޔާލު