2026 ވަނަ އަހަރުގެ ބެލަންޑޯ އެވޯޑު އިނގިރޭސި ފޯވާޑު ހެރީ ކޭން ކާމިޔާބުކޮށްފިއެވެ.
ބަޔާން މިއުނިކްގެ ފޯވާޑް މި ޝަރަފުވެރި އެވޯޑާ ހަވާލުވީ ހޯމަ ދުވަހުގެ ރޭ ލަންޑަނުގައި ބޭއްވި ހާއްސަ ރަސްމިއްޔާތެއްގައެވެ. މިއީ އިނގިރޭސި ގައުމީ ޓީމުގެ ކެޕްޓަން އޭނާގެ ކެރިއަރުގައި މި އެވޯޑު ހާސިލްކުރި ފުރަތަމަ ފަހަރެވެ. ކޭން މި އެވޯޑު ކާމިޔާބުކުރީ ކީލިއަން އެމްބާޕޭ އާއި ލަމީން ޔަމާލްއާ ވާދަކޮށްގެންނެވެ. ނިމިދިޔަ ސީޒަނުގައި ކޭން ވަނީ ބަޔާން މިއުނިކާއެކު ބުންޑެސްލީގާ، ޖަރުމަނު ކަޕް އަދި ޖަރުމަނު ސުޕަ ކަޕް ކާމިޔާބުކޮށްފައެވެ.
2025-2026 ވަނަ ސީޒަނުގައި ކޭންގެ ނަންބަރުތަކަކީ ހައިރާންކުރުވަނިވި ނަންބަރުތަކެކެވެ. ބަޔާން މިޔުނިކަށް ކުޅުނު 51 މެޗުގައި 61 ގޯލު ޖަހައި 7 އެސިސްޓް ހަދާފައިވެއެވެ. އޭނާ މި އިނާމު ހާސިލުކުރީ ގޯލު ޖެހުމުގެ އާދަޔާޚިލާފު ހުނަރާއި، ކޮންމެ ހަފްތާއަކު ވެސް ގޯލު ޖަހަމުން ދިއުމުގެ ސަބަބުންނެވެ.
އިޝްތިހާރު
މި ކާމިޔާބީގެ ފައިދާ އިނގިރޭސި ގައުމީ ޓީމަށް ވެސް ލިބުނެވެ. 2026 ވަނަ އަހަރުގެ ވޯލްޑް ކަޕްގައި ކުޅުނު 7 މެޗުގައި ކޭން 6 ގޯލު ޖަހައި، އެއް މުހިންމު އެސިސްޓެއް ހަދާފައިވެއެވެ. އޭނާގެ ގޯލުތަކުގެ ސަބަބުން އިނގިރޭސި ޓީމަށް މުބާރާތުގެ ތިންވަނަ ހޯދިފައިވާއިރު، ކޭން ވަނީ މުބާރާތުގެ އެންމެ ގިނަ ގޯލު ޖެހި ކުޅުންތެރިންގެ ތެރޭގައި ހިމެނިފައެވެ.
މުޅި ސީޒަނަށް ބަލާއިރު، ކޭން ވަނީ ބަޔާން އާއި އިނގިރޭސި ގައުމީ ޓީމަށް ޖުމްލަ 65 މެޗު ކުޅެ، 73 ގޯލު ޖަހައި، 8 އެސިސްޓް ހަދާފައެވެ. އަދި ބަޔާންއާއެކު ތިން ތަށި ކާމިޔާބުކޮށްފައިވެއެވެ. މި ކާމިޔާބީއާއެކު، އޭނާ ވަނީ ދުނިޔޭގެ އެންމެ މޮޅު ފޯވަޑުންގެ ތެރޭގައި އޭނާގެ ޖާގަ ކަށަވަރުކޮށްފައެވެ.
މިއީ 2001 ވަނަ އަހަރު މައިކަލް އޯވަންއަށް ފަހު، ބެލޮންޑޯ އިނާމު ހޯދި ފުރަތަމަ އިނގިރޭސި ކުޅުންތެރިޔާއެވެ.
ރޭގެ ރަސްމިއްޔާތުގައި ކޭންއަށް ދެވަނަ އިނާމެއް ވެސް ލިބުނެވެ. އޭނާ ވަނީ 2026 ވަނަ އަހަރުގެ އެންމެ ގިނަ ގޯލު ޖެހި ކުޅުންތެރިޔާއަށް ދެވޭ ގާޑް މުލަރ ޓްރޮފީ ވެސް ހާސިލުކޮށްފައެވެ.
2026 ވަނަ އަހަރުގެ ބެލަންޑޯ ރޭންކިންގް:
-
ހެރީ ކޭން - ބަޔާން މިއުނިކް (އިނގިރޭސިވިލާތް)
-
ކީލިއަން އެމްބާޕޭ - ރެއާލް މެޑްރިޑް (ފްރާންސް)
-
ލަމީން ޔަމާލް - ބާސެލޯނާ (ސްޕެއިން)
-
ރޮޑްރީ - މެންޗެސްޓަރ ސިޓީ/ބާސެލޯނާ (ސްޕެއިން)
-
ލިއޮނަލް މެސީ - އިންޓަރ މިއާމީ (އާޖެންޓީނާ)
-
ކްވިޗާ ކްވަރަޓްސްކޭލިއާ - ޕީ.އެސް.ޖީ (ޖޯޖިއާ)
-
އުސްމާން ޑެމްބޭލޭ - ޕީ.އެސް.ޖީ (ފްރާންސް)
-
އާލިންގް ހާލަންޑް - މެންޗެސްޓަރ ސިޓީ (ނޯވޭ)
-
މައިކަލް އޮލީސޭ - ބަޔާން މިއުނިކް (ފްރާންސް)
-
ފަބިއަން ރޫއިޒް - ޕީ.އެސް.ޖީ (ސްޕެއިން)
-
ޖޫޑް ބެލިންގްހަމް - ރެއާލް މެޑްރިޑް (އިނގިރޭސިވިލާތް)
-
ޕައު ކުބާސީ - ބާސެލޯނާ (ސްޕެއިން)
-
އަޝްރަފް ހަކީމީ - ޕީ.އެސް.ޖީ (މޮރޮކޯ)
-
ވިޓީނިއާ - ޕީ.އެސް.ޖީ (ޕޯޗުގަލް)
-
ޑެކްލަން ރައިސް - އާސެނަލް (އިނގިރޭސިވިލާތް)
-
ފެރާން ޓޮރޭޒް - ބާސެލޯނާ/ޕީ.އެސް.ޖީ (ސްޕެއިން)
-
ވިނީޝިއަސް ޖޫނިއާ - ރެއާލް މެޑްރިޑް (ބްރެޒިލް)
-
މާކް ކުކުރެލާ - ޗެލްސީ/ރެއާލް މެޑްރިޑް (ސްޕެއިން)
-
ޖޮއާއޯ ނޭވޭސް - ޕީ.އެސް.ޖީ (ޕޯޗުގަލް)
-
ވިލިއަމް ޕާޗޯ - ޕީ.އެސް.ޖީ (އިކުއެޑޯ)
-
ގަބްރިއަލް - އާސެނަލް (ބްރެޒިލް)
-
ލައުޓާރޯ މާޓިނޭޒް - އިންޓަރ މިލާން (އާޖެންޓީނާ)
-
ނޫނޯ މެންޑޭޒް - ޕީ.އެސް.ޖީ (ޕޯޗުގަލް)
-
ލުއިސް ޑިއާޒް - ބަޔާން މިއުނިކް (ކޮލަމްބިއާ)
-
މާކީނިއޯސް - ޕީ.އެސް.ޖީ (ބްރެޒިލް)
-
ދަޔޫ އުޕަމެކާނޯ - ބަޔާން މިއުނިކް (ފްރާންސް)
-
ބްރޫނޯ ފެނާންޑޭޒް - މެންޗެސްޓަރ ޔުނައިޓެޑް (ޕޯޗުގަލް)
-
ހޫލިއަން ކީނިއޯނެސް - އަލް ގަދްސިއާ (މެކްސިކޯ)
-
ވިލިއަމް ސަލީބާ - އާސެނަލް (ފްރާންސް)
-
ސާޑިއޯ މާނޭ - އަލް ނަސްރު (ސެނެގާލް)
ޚިޔާލު ފާޅުކުރައްވާ
ކޮމެންޓްތައް
މި ލިޔުމަށް އަދި ޚިޔާލެއް ފާޅުކޮށްފައެއް ނުވެއެވެ.