ރައީސް ޑރ. މުހައްމަދު މުއިއްޒު ގަލޮޅު އުތުރު ދާއިރާގެ ގެތަކަށް ވަޑައިގެން ރައްޔިތުންގެ ހާލު ބައްލަވާލައްވައިފިއެވެ.
ރައީސްގެ އަރިހުގައި ޕީއެންސީގެ އިސް ބޭފުޅުންނާއި މާލޭގެ މޭޔަރު ކަމަށް ޕީއެންސީން ވާދަކުރައްވާ މޭޖާ ޖެނެރަލް ރިޓަޔާޑް މޫސާ އަލީ ޖަލީލާއި ގަޮލޮޅު އުތުރު ދާއިރާގެ ކައުންސިލަރު ކަމަށް ޕީއެންސީން ވާދަކުރައްވާ މަރިޔަމް ރީހާން ނާޒިމް ވެސް ބައިވެރިވެވަޑައިގަތެވެ.
ގެތަކަށް ކުރެއްވި ޒިޔާރަތުގައި ވަނީ ރައްޔިތުންގެ ކަންބޮޑުވުންތައް އަޑުއައްސަވައި އެކަންކަމަށް ސަރުކާރުން ހައްލު ގެނެސްދެއްވާނެ ކަމުގެ ޔަގީންކަން އަރުވާފައެވެ.
މާލޭގެ ރައްޔިތުންނަށް ދިމާވެފައިވާ އެންމެ ބޮޑު އެއް މައްސަލަ ކަމަށްވާ ބޯހިޔާވަހިކަމުގެ މައްސަލައަށް ދާއިމީ ހައްލެއް ގެނައުމަށް ވެސް ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން މިދިޔަ ސަރުކާރުން ދީފައިވާ ގޯތިތައް އޭގެ ހައްގުވެރީންނާ ހަވާލުކުރުމުގެ އިތުރުން އިތުރު ފަރާތްތަކަށް ގޯތި ދިނުމުގެ މަސައްކަތް ވެސް މި ސަރުކާރުން އަންނަނީ ކުރަމުންނެވެ.
ވެރިކަމަށް ވަޑައިގަތުމާއެކު މަދު އަހަރުތަކެއްގެ ތެރޭގައި ރައީސް މުއިއްޒު ވަނީ ރާއްޖޭގައި މީހުން ދިރިއުޅޭ ހުރިހާ ރަށަކަށް ވެސް ވަޑައިގަންނަވާފައެވެ.
ކިޔުންތެރިންގެ ހިޔާލު