ރައީސް ޑރ. މުހައްމަދު މުއިއްޒުގެ ވިސްނުންފުޅާ އެއްގޮތަށް، ދުންފަތް މަނާކުރާ “ޖެނަރޭޝަން ބޭން” ފަށާ އަހަރު ކަނޑެޅުމާ ގުޅޭގޮތުން އާންމުންގެ ހިޔާލަށް ހުޅުވާލައްވައިފިއެވެ.
އެކްސް މެދުވެރިކޮށް ރައީސް މިއަދު ހުޅުވާލެއްވި ޕޯލުގައި “ޖެނެރޭޝަން ބޭން” ކަނޑައަޅަން ތިން އޮޕްޝަނެއް ދެއްވައިފައެވެ.
“ޖެނެރޭޝަން ބޭން” ކަނޑައަޅަން ރައީސް ދެއްވި ތިން އޮޕްޝަނަކީ، 2000 ވަނަ އަހަރުގެ ފަހުން ވިހެއި އެންމެންނަށް، ނުވަތަ 2004 ވަނަ އަހަރުގެ ފަހުން ވިހެއި އެންމެންނަށް ނުވަތަ 2007 ވަނަ އަހަރުން ފެށިގެން ވިހެއި އެންމެންނަށް ދުންފަތުގެ ހުރިހާ އުފެއްދުމެއް މަނާކުރުމެވެ.
If a generational ban on smoking were to be implemented in the Maldives, to protect the health of our youth and future generations from the harmful effects of smoking, which of the following would be the most appropriate starting point?
— Dr Mohamed Muizzu (@MMuizzu) April 3, 2025
އާންމުންގެ ހިޔާލު ހޯދުމަށް ރައީސް ހުޅުވާލައްވާފައިވާ އިރު، ވަކި އުމުރެއްގެ މީހުންނަށް ދުންފަތް އެއްކޮށް މަނާކުރަން ކަމާބެހޭ ފަރާތްތަކާއި ޑޮކްޓަރުންގެ ލަފަޔާއެކު ޖެނެރޭޝަން ބޭން ގެނައުމަށް ކުރިއަށްއޮތް ދުވަސްތަކުގައި ކެބިނެޓް ކަރުދާހެއް ދިރާސާކޮށްގެން ތައްޔާރުކުރަން ހެލްތު މިނިސްޓްރީއާ ހަވާލުކޮށްފައިވާ ކަމަށް “ރައްޔިތުންނާއެކު” ޕޮޑްކާސްޓުގެ އިއްޔެގެ އެޕިސޯޑުގައި ރައީސް ވަނީ ވިދާޅުވިއެވެ.
ރައީސް ވިދާޅުވީ ޒުވާން ޖީލަށް އަމާޒުކޮށްގެން ދުންފަތް މަނާކުރުމުގެ ވިސްނުން ގެންގުޅުއްވަނީ ގިނަ ދުވަސްތަކެއް ވަންދެން ދުންފަތަށް ދެވި ހިފާފައި ތިބި މީހުން އެ އަމަލުން ދުރުކުރުމަށްވުރެ، އެކަމުން ޒުވާނުން ދުރުކުރަން ފަސޭހަވާނެތީ ކަމަށާއި ޒުވާނުން އެ ވަބާއިން ދުރުކުރުމަށް ބޭނުންފުޅުވާ ކަމަށެވެ.
ކިޔުންތެރިންގެ ހިޔާލު