ފެނަކަ ކޯޕަރޭޝަންގެ ދަށުން ހިންގަމުންދިޔަ 14 އައިސްޕްލާންޓް މޯލްޑިވްސް އިންޑަސްޓްރިއަލް ފިޝަރީޒް ކޮންޕެނީ ( މިފްކޯ)ގެ ދަށަށް ބަދަލުކޮށްފިއެވެ.
މި ކަމަށްޓަކައި އެ ދެ ކުންފުނީގެ ދެމެދު އެއްބަސްވުމެއްގައި ވަނީ ސޮއިކޮށްފައެވެ.
މިފްކޯއިން ބުނީ، މި ހުރިހާ އައިސްޕްލާންޓެއް ފުލް އޮޕަރޭޝަން ކެޕޭސިޓީއަށް ގެނައުމުގެ މަސައްކަތް އެ ކުންފުނީގެ އިންޖިނިއަރުންނާއި ޓެކްނިކަލް މުވައްޒަފުން މަސައްކަތްކުރަމުން އަންނަ ކަމަށެވެ. އަދި މިފްކޯގެ ދަށަށް މި ޕްލާންޓްތައް ބަދަލުކުރުމުން އެ ކުންފުނިން ދެމުންގެންދާ ޚިދުމަތްތައް ފުޅާވެފައިވާކަމަށް އެ ކުންފުނިން ބުންޏެވެ.
އައިސްޕްލާންޓްތައް މިފްކޯގެ ދަށަށް ބަދަލުކުރުމުގެ އެއްބަސްވުމުގައި މިފްކޯގެ ފަރާތުން ސޮއިކުރެއްވީ ސީއީއޯ ޑރ. ވިޓާލީ ލޫބުމޮވްއެވެ. އަދި ފެނަކައިގެ ފަރާތުން ސޮއިކުރެއްވީ މެނޭޖިން ޑިރެކްޓަރ މުޙައްމަދު ނަޖާހެވެ.
ފެނަކައިގެ ދަށުން އައިސް ޕްލާންޓްތައް ނަގަން ނިންމީ އައިސް ޕްލާންޓްތައް ހިންގުމުގެ ގާބިލްކަން އެ ކުންފުނީގައި ނެތުމުންނެވެ. އެކަން ކުރެވޭނެ ގާބިލު ކުންފުންޏަކީ މިފްކޯއެވެ.
ކިޔުންތެރިންގެ ހިޔާލު