ހޮސްޕިޓަލުން އެއްވެސް ސާޖަރީއެއް މިވަގުތު ހުއްޓާލާފައި ނުވާ ކަމަށް އައިޖީއެމްއެޗް އިން ބުނެފި އެވެ.
އައިޖީއެމްއެޗް އިން މިހެން ބުނެފައި މިވަނީ އެ ހޮސްޕިޓަލްގައި ކުރިއަށް ގެންދާ ބައެއް ސާޖަރީތައް ހުއްޓާލާފައިވާ ކަމަށް ސޯޝަލް މީޑިއާގައި ފަތުރަމުންދާ ހަބަރުތަކާ ގުޅިގެންނެވެ.
މި ހޮސްޕިޓަލުގެ ސަރޖަރީތައް ހުއްޓާލާފައިވާކަމަށް ސޯޝަލް މީޑިއާގައި ފެތުރެމުންދާ ޚަބަރުތަކާ ގުޅިގެން، ދަންނަވަމެވެ.
މި ހޮސްޕިޓަލުގެ އެއްވެސް ސަރޖަރީއެއް މިވަގުތު ހުއްޓާލާފައި ނުވާކަމުގެ ޔަޤީންކަން އަރުވަމެވެ.
އަދި އާއްމު ރައްޔިތުންނަށް އޮޅުންއަރާ ގޮތަށް، މިފަދަ ހަޤީޤަތާ ޚިލާފު…Advertisement— IGMH (@igmhmv) February 2, 2025
އައިޖީއެމްއެޗްގެ އެކްސް އެކައުންޓްގައި މިއަދު ކޮށްފައިވާ ޕޯސްޓެއްގައި ބުނެފައިވަނީ އެ ހޮސްޕިޓަލުގެ އެއްވެސް ސާޖަރީއެއް މިވަގުތު ހުއްޓާލާފައި ނުވާކަމުގެ ޔަގީންކަން ދޭ ކަމަށެވެ.
އާއްމު ރައްޔިތުންނަށް އޮޅުންއަރާ ގޮތަށް އެފަދަ ހަގީގަތާ ހިލާފު މައުލޫމާތު ފަތުރަމުންދާތީ އެކަން ހަރުކަށި އިބާރާތުން ކުށްވެރިކުރާ ކަމަށްވެސް ބުންޏެވެ.
“ހަރުކަށި އިބާރާތުން ކުށްވެރިކޮށް ޒިންމާދާރުކަމާ އެކު މައުލޫމާތު ފެތުރުމަށް ނަސޭހަތްތެރިވަމެވެ،” އައިޖީއެމްއެޗްގެ ޕޯސްޓްގައިވެ އެވެ.
ކިޔުންތެރިންގެ ހިޔާލު