ރާއްޖޭގައި އެންމެ މެންބަރުން ގިނަ ސިޔާސީ ޕާޓީއަކަށް ޕީޕަލްސް ނޭޝަނަލް ކޮންގްރެސް (ޕީއެންސީ) ވެފައިވާ ކަމަށް އިލެކްޝަންސް ކޮމިޝަންގެ ހިސާބުތަކުން ދައްކައިފިއެވެ. މިދިޔަ އަހަރުގެ ނިޔަލަށް އެކޮމިޝަނުގެ ސިޔާސީ ޕާޓީތަކުގެ ދަފްތަރުގައި ހިމެނޭ މީހުންގެ މައުލޫމާތު އާންމުކޮށްފައިވާއިރު، ޕީއެންސީގެ ދަފްތަރުގައި 68،969 މެންބަރުން ރަޖިސްޓްރީކޮށްފައިވާކަން ފާހަގަކުރެވެއެވެ.
އިލެކްޝަންސް ކޮމިޝަނުން ހނުން ހާމަކުރި މަޢުލޫމާތުތަކުން ދައްކާގޮތުގައި ރާއްޖޭގައި ސިޔާސީ ޕާޓީތަކުގެ ދަފްތަރުގައި ޖުމްލަ 173،747 މެންބަރުން ަރުން ވަނީ ރަޖިސްޓްރީވެފައެވެ. މީގެ ތެރެއިން ދެވަނައަށް އެންމެ މެންބަރުން ގިނަ ޕާޓީއަކީ އިދިކޮޅު މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އެވެ. އެމްޑީޕީގެ ދަފްތަރުގައި 43،755 މެންބަރުން ތިބިކަން ފާހަގަކުރެވެއެވެ.
ޕީއެންސީ އާއި އެމްޑީޕީ ފިޔަވައި 10،000 މެންބަރުން ހަމަވަނީ ޖުމްހޫރީ ޕާޓީ އާއި ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ގެ އެވެ. ޖުމްހޫރީ ޕާޓީގެ ދަފްތަރުގައި 13،826 މެންބަރުން ތިބިއިރު ޕީޕީއެމްގެ ދަފްތަރުގައި 12،174 މެންބަރުން ރަޖިސްޓްރީވެފައިވެއެވެ.
އެހެނިހެން ސިޔާސީ ޕާޓީތަކުގެ ތެރޭގައި އަދާލަތު ޕާޓީ (9،049 މެންބަރުން)، މޯލްޑިވްސް ޑިވެލޮޕްމަންޓް އެލަޔަންސް (9،210 މެންބަރުން)، މޯލްޑިވްސް ނެޝަނަލް ޕާޓީ (6،050 މެންބަރުން)، ދަ ޑިމޮކްރެޓްސް (3،667 މެންބަރުން)، މޯލްޑިވްސް ތަރޑްވޭ ޑިމޮކްރެޓްސް (2،359 މެންބަރުން) އަދި ޕީޕަލްސް ނޭޝަނަލް ފްރަންޓް (2،822 މެންބަރުން) ހިމެނެއެވެ.
އިލެކްޝަންސް ކޮމިޝަންގެ ހިސާބުތަކުން ދައްކާގޮތުގައި އެންމެ މެންބަރުން މަދު ޕާޓީއަކީ މިހާރު އުވާލުމަށް އެކޮމިޝަނުން ނިންމާފައިވާ މޯލްޑިވްސް ރިފޯމް މޫވްމަންޓް (އެމްއާރުއެމް) އެވެ. އެމްއާރުއެމްގެ ދަފްތަރުގައި ތިބީ 1،867 މެންބަރުންނެވެ.
މި ހިސާބުތަކުން ދައްކާގޮތުގައި، ކުރިން ރާއްޖޭގައި އެންމެ ގިނަ މެންބަރުން ދަފްތަރުގައި ރަޖިސްޓްރީކޮށްފައިވާ ޕާޓީއަކަށްވެފައިވާ އެމްޑީޕީގެ މަޤާމު މިހާރު ވަނީ ވެރިކަންކުރާ ޕާޓީ ކަމުގައިވާ ޕީއެންސީއަށް ގޮސްފައެވެ. މިއީ ރާއްޖޭގެ ސިޔާސީ މަޝްރަހުގައި ފާހަގަކޮށްލެވޭ ބަދަލެއް ކަމުގައި ބެލެވެއެވެ.
ކިޔުންތެރިންގެ ހިޔާލު