ތ.އަތޮޅުން ފެށިގެން ގދ.އަތޮޅާ ހަމައަށް މޫސުން ގޯސްވުމާ ގުޅިގެން ރީނދޫ ސަމާލު ނެރެފިއެވެ.
މި ސަރަޙައްދުތަކަށް މޫސުމާބެހޭ ޤައުމީ އިދާރާއިން ރީނދޫ ސަމާލު ނެރެފައިވަނީ ހެނދުނު 9:30 އިން މިއަދު މެންދުރު 13:30 އާ ހަމައަށެވެ.
މިހާރު ރާއްޖެއަށް ކުރަމުންދާ ވިއްސާރައަކީ ރާއްޖޭގެ އިރުމަތިން އުފެދުނު ސާކިއުލޭޝަން ގެ ބާރު ދަށްވެ، އަދިވެސް ޓްރަފް ދަމަހައްޓަތީ ކުރާ ވިއްސާރައެއް ކަމަށް މޫސުމާބެހޭ ޤައުމީ އިދާރާއިން ވިދާޅުވިއެވެ.
Torrential rain expected pic.twitter.com/IIWJaZ9Dsq
Advertisement— Maldives Meteorology (@MetMaldives) January 18, 2025
މިހާރު ރާއްޖެއަށް ކުރަމުންދާ ވިއްސާރަ އަލިވާނެކަމަށް ލަފާކުރެވެނީ އަންނަ އަންގާރަ ދުވަހު ކަމަށް މޫސުމާ ބެހޭޤައުމީ އިދާރާއިން ވިދާޅުވެއެވެ.
އެ އިދާރާއިން ވިދާޅުވީ، ރީނދޫ ސަމާލު ނެރެފައިވާ ސަރަޙައްދުގެ ރަށްތަކަށް ބޯކޮށް ވާރޭވެހި ގުގުރުން އެކަށީގެންވާކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައިގަވެ، ކަނޑުތައްވެސް ގަދަވާނެކަމަށްވެސް އެ އިދާރާއިން ވަނީ ލަފާކޮށްފައެވެ. އެހެންކަމުން ހުރިހާ ފަރާތްތަކުންވެސް، ޚާއްސަކޮށް ކަނޑު ދަތުރުކުރާ ފަރާތްތަކުން މޫސުމަށް ސަމާލުވުމަށް މޫސުމާ ބެހޭ ޤައުމީ އިދާރާއިން މިއަދު އިލްތިމާސްކުރައްވާފައިވެއެވެ.
ކިޔުންތެރިންގެ ހިޔާލު