ހައުސިން މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު ޑރ. އަބްދުﷲ މުއްތަލިބް ވިދާޅުވީ ޖޫން 26، 2022 ގައި އިއުލާން ކުރި ސްކީމުގެ ތެރެއިން ދެ ކޮޓަރީގެ އެޕާޓްމަންޓުތަކަށް 6،000 މީހުން އަދި ތިން ކޮޓަރީގެ އެޕާޓްމަންޓްތަކަށް 14،000 މީހުން ކުރިމަތިލާފައިވާ ކަމަށާއި، ކުރީ ސަރުކާރުން އިއުލާން ކުރި 4000 ފްލެޓް ލިސްޓު ވެރިފައި ކުރުމުގެ މަސައްކަތް މިހާރު ފަށައިފައިވާ ކަމަށެއެވެ.
ފްލެޓް ލިސްޓުގެ ހުށަހެޅުންތައް ރީ އިވެލުއޭޓް ކުރުމުގެ މަސައްކަތް ކުރުމާއި ފައިނަލް ލިސްޓު ނެރުމުގެ މަސައްކަތް މިދިޔަ 14 މަސް ތެރޭގައި ކުރަން މަސައްކަތް ކުރުމަށް ފަހު ބޮޑެތި މައްސަލަތައް ފާހަގަވެފައިވާތީ އެ ލިސްޓު އާންމު ކުރަން ވަރަށް ބޮޑަށް ލަސްވެފައިވާ ކަމަށް މުއްތަލިބް ވިދާޅުވި އެވެ. އަދި އެލަސްވުން ލަސްވެފައިވަނީ އިތުރަށް ބަލަންޖެހޭވަރަށް ކަންތަށްތަކެއް ފާހަގަކުރެވިގެންކަމށްވެސް ވިދާޅުވިއެވެ.
މިނިސްޓަރު ވިދާޅުވި ގޮތުގައިި ސަރުކާރުން މިހާރު ނިންމާފައި ވަނީ ކުރީ ސަރުކާރުން އިއުލާން ކުރި 4000 ފްލެޓް ލިސްޓު ވެރިފައި ކުރުމުގެ މަސައްކަތް ފެށުމަށެވެ. ލިސްޓްގެ ފައިނަލް ވެރިފިކޭޝަން މަސައްކަތް ކުރާއިރު އޭރު ހެދިފައިވާ އުސޫލުތަކަށް ރިއާޔަތް ކުރާނެ ކަމަށް ވެސް ވިދާޅުވި އެވެ. އަދި ވެރިފައި ކުރާ ލިސްޓު އާންމު ކުރުމަށް ފަހު އާންމުންނަށް ޝަކުވާ ހުށަހަޅަން ވެސް އިތުރު ފުރުސަތު ދެއްވާނެ ކަމަށް މިނިސްޓަރު ވިދާޅުވި އެވެ.
ކިޔުންތެރިންގެ ހިޔާލު