ޗެމްޕިއަންސް ލީގުގައި މެންޗެސްޓަރ ޔުނައިޓެޑް މި ސީޒަނުގައި ކުޅުނު ފުރަތަމަ މެޗުގައި އަޒަރުބައިޖާންގެ ސަބާ އަތުން 4-0 އިންމޮޅުވެއްޖެއެވެ.
މެންޗެސްޓަރ ޔުނައިޓެޑްގެ އޯލްޑް ޓްރެފަޑްގައި ކުޅުނު މި މެޗުން އެ ޓީމު މޮޅުވެފައިވާއިރު މިއީ 2020 ވަނަ އަހަރަށްފަހު ޗެމްޕިއަންސް ލީގުގެ މެޗަކުން އެ ޓީމު މޮޅުވި އެންމެ ތަފާތު ބޮޑު ނަތީޖާއެވެ.
ޔުނައިޓެޑްގެ ފަރާތުން މޮޅު ކުޅުމެއް ފެނިގެން ގޮސްފައިވާ މި މެޗުގެ 27 ވަނަ މިނިޓުގައި މެތިއުސް ކޫނިއާ ވަނީ ލަނޑެއް ޖަހާ ޔުނައިޓެޑަށް ކުރި ހޯދަދީފައެވެ.
އަދި މެޗުގެ ފުރަތަމަ ހާފުގެ ކުޅުން ނިމެން ތިން މިނިޓަށް ވެފައިވަނިކޮށް ބްރޫނޯ ފެނާންޑޭޒް ވަނީ ލަނޑެއް ޖަހާ ދެ ޓީމުގެ ދެމެދުގައިވާ ފަރަގު ބޮޑުކޮށްފައެވެ. އަދި އޭގެ ތިން މިނިޓު ފަހުން ބެންޖަމިން ސެސްކޯ ވަނީ ލަނޑެއް ޖަހާ މެޗުގެ ނަތީޖާ 3-0 އަށް ބަދަލުކޮށްފައެވެ.
ޔުނައިޓެޑް އިން މި މެޗުގައި ޖެހި ހަތަރުވަނަ ލަނޑަކީ މެޗުގެ 68 ވަނަ މިނިޓުގައި ލިސަންދްރޯ މާޓިނޭޒް ކާމިޔާބުކޮށްދީފައިވާ ލަނޑެކެވެ.
ޗެމްޕިއަންސް ލީގުގައި ކުޅުނު މި މެޗުން ރަގަޅު ނަތީޖާއެއް ހޯދުމަށްފަހު އަންނަ އާދީއްތަ ދުވަހު ޔުނައިޓެޑް ނިކުންނާނީ ޕްރިމިއާ ލީގުގައި މެންޗެސްޓަރ ސިޓީ އާއި ދެކޮޅަށެވެ.
ކިޔުންތެރިންގެ ހިޔާލު