ފީފާގެ ރައީސް ޖިއާނީ އިންފަންޓީނޯގެ ދިފާޢުގައި އެމެރިކާގެ ރައީސް ޑޮނާލްޑު ޓްރަމްޕު ތެދުވެއްޖެއެވެ.
އިންފަންޓީނޯއަށް އޮތް އިތުބާރު ގެއްލިފައިވަނިކޮށް އޭނާގެ ދިފަޢުގައި ޓްރަމްޕު ވާހަކަ ދައްކާފައި މިވަނީ ރަމްޕް ސޯޝަލް މީޑިޔާގައި ކުރެއްވި ޕޯސްޓެއްގައެވެ. ޓްރަމްޕު ވިދާޅުވީ ރައީސް ކަމުން އިންފަންޓީނޯ ވަކިކުރައްވައިފިނަމަ އެއީ ހައްދަވާ ވަރަށް ބޮޑު ގޯހެއް ކަމަށެވެ.
ކޮންމެ ސަބަބަކާހުރެވިޔަސް ފީފާގެ ރައީސްގެ މަޤާމުން އިންފަންޓީނޯ ދުރުކޮށްފިނަމަ އެއީ ހައްދަވާ ވަރަށް ބޮޑު ގޯހެއް.
Advertisement
އެމެރިކާގެ ރައީސް ޑޮނާލްޑް ޓްރަމްޕު ވިދާޅުވިއެވެ.
ޓްރަމްޕު ވިދާޅުވީ، ވޯލްޑްކަޕްގެ ތަރީޚުގައިވެސް މިހާތަނަށް ބޭއްވި އެންމެ ކާމިޔާބު އަދި އެންމެ ފައިދާބޮޑު ވޯލްޑްކަޕް ބޭއްވީ އިންފަންޓީނޯކަމަށެވެ. އަދި އޭނާ ނެތި ދެންވެސް އެކަން ނުކުރެވޭނެކަމަށް ޓްރަމްޕު ވިދާޅުވިއެވެ.
ޓްރަމްޕު މިހެން ވިދާޅުވެފައި މިވަނީ އިންފަންޓީނޯ އާއި ދެކޮޅަށް ޔޫރަޕްގެ ފުޓްބޯޅަ އިދާރާ, ޔޫއެފާ އާއި އޭޝިޔާގެ ފުޓްބޯޅަ އިދާރާ, އޭއެފްސީގެ އިތުރުން އުތުރު އެމެރިކާ އާއި ކެރީބިއަން އައިލެންޑްސްގެ ކޮންކާކަފް އިން ގުޅިގެން ބަޔާނެއް ނެރެފައިވަނިކޮށެވެ.
އެ ބަޔާނުގައި ވަނީ ފީފާގެ ނިންމުންތަކުގެ ސަބަބުން ގެއްލިފައިވާ އިތުބާރު އަލުން ހޯދުމަކީ މުހިންމު ކަމެއް ކަމަށާއި އަދި އިންފަންޓީނޯ އިއުލާން ކުރެއްވި ފީފާ ފޯވާޑް އެންޓަޕްރައިޒް (އެފްއެފްއީ)ގެ ކަންކަން ދެފުށް ފެންނަ ނިޒާމެއްގެ ތެރެއިން ބަލަން ޖެހޭ ކަމަށް ބުނެފައެވެ. ފުޓްބޯޅަ އަކީ ދުނިޔޭގެ އެންމެ ގިނަ ބަޔަކު ޝައުގުވެރިވާ ކުޅިވަރަށްވާއިރު, އެއީ އެއްވެސް ހާލަތެއްގައި ވަކި ފަރުދަކަށް ނޫނީ ބަޔަކަށް އޮތް ހައްގެއް ނޫން ކަމަށްވެސް އެ ބަޔާނުގައި ވަނީ ބުނެފައެވެ.
އެފްއެފްއީގެ ނަމުގައި، ޕްރައިވެޓް އިންވެސްޓަރުންނަށް ފީފާ ވޯލްޑް ކަޕް ހިމެނޭހެން ފީފާ އިން އިންތިޒާމްކުރާ މުބާރާތްތަކުގެ، 21 ޕަސެންޓް ހިއްސާ ވިއްކާލަން އުޅުމާއިއެކު ފީފާގެ ގިނަ މެމްބަރ އެސޯސިއޭޝަން ތަކުންވަނީ އެކަމާއި ދެކޮޅަށް ތެދުވެފައެވެ.
އިންފަންޓީނޯ ވަނީ އެފްއެފްއީގެ ތެރެއިން ގޯސްތަކެއް ހެދިފައިވާތީވެ އެކަމަށް މާފަށް އެދިފައެވެ.
ކިޔުންތެރިންގެ ހިޔާލު