ވޯލްޑް ކަޕްގައި ހޯދި ކާމިޔާބީއާއެކު މުބާރާތުގެ ތަށި ހިފައިގެން ސްޕެއިން ޤައުމަށް ހިނގައްޖެއެވެ.
އެމެރިކާއިން ފުރައިގެން ސްޕެއިނަށް ޓީމު ދަތުރު ކުރުމަށްފަހު އެންމެ ފުރަތަމަ އޮތީ ޝާހީ ގަނޑުވަރުގައި ސްޕޭނުގެ ރަސްގެފާނު ކިންގް ފިލިޕް އާއި ބޮޑުވަޒީރު ޕެޑްރޯ ސަންޗޭޒް ޓީމާ ބައްދަލުކޮށް މަރުހަބާ ކިއުމެވެ. އެއަށްފަހު ކުޅުންތެރިން މަތި ހުޅުވާފައިވާ ބަހުގައި ވެރިރަށް މެޑްރިޑްގެ މަގުތަކުގައި ސްޕޯޓަރުންނާ ބައްދަލުކުރުން މިހާރު ދަނީ ކުރިއަށެވެ. މި ގޮތުން ސްޕޭނުގެ މުހިންމު ހިސާބުތަކުގައި ތައްޓާއެކު މަޑުކޮށް ދަނީ އުފާފާޅުކުރަމުންނެވެ.
މިއީ ސްޕެއިން ވޯލްޑްކަޕް ކާމިޔާބުކުރި ދެވަނަ ފަހަރެވެ. އޭގެ ކުރިން 2010ގައި ވަނީ ވޯލްޑްކަޕް ކާމިޔާބުކޮށްފައެވެ.
ސްޕެއިން ވޯލްޑް ކަޕުގެ ތަށި ހޯދީ ރޭ ކުޅުނު ފައިނަލް މެޗުގައި ދިފާއީ ޗެމްޕިއަން އާޖެންޓީނާ 1-0އިން ބަލިކޮށްފައެވެ.
ރޭގެ ރަސްމިއްޔާތަށް ފަހު ސްޕޭނުގެ ރަސްގެފާނު ފިލިޕް ވަނީ ދަނޑުމަތިން އޭނާގެ އާއިލާއާއެކު ޓީމާ ބައްދަލުކޮށް މަރުހަބާ ކިޔައިފައެވެ.
ސްޕެއިންގެ ޓީމު އެނބުރި ޤައުމަށް ދިޔައިރު، މެޑްރިޑް އެއަރޕޯޓާއި އެ ސަރަހައްދުގައި އެތައް ހާސް ބަޔަކު އެއްވެ ދިޔައި އުފާފާޅުކުރަމުންނެވެ. އެޤައުމުގައި އަދިވެސް ދަނީ އުފާ ފާޅުކުރުމުގެ ހަރަކާތްތައް ކުލަގަދަކޮށް ފާހަގަކުރަމުންނެވެ.
ކިޔުންތެރިންގެ ހިޔާލު