ރިސޯޓް ލީސް އެކްސްޓެންޝަން ފީ އާއި ރިސޯޓް ބިން ވިއްކުމާއި ރިސޯޓް ތަރައްގީ ކުރުމަށް ލޭންޑް ޓްރާންސްފާ ފީގެ ޒަރީޔާއިން މިދިޔަ އަހަރު ސަރުކާރަށް 120 މިލިއަން ޑޮލަރު ލިބިފައިވާ ކަމަށް މިނިސްޓްރީ އޮފް ފިނޭންސް އެންޑް ޕަބްލިކް އެންޓަޕްރައިސަސް އިން ބުނެފި އެވެ.
މިނިސްޓްރީން ނެރުނު ތަފާސްހިސާބު ރިޕޯޓެއްގައި ބުނެފައި ވަނީ 2025 ވަނަ އަހަރު ރިސޯޓް ލީސް އިތުރުކުރުމަށް 18 ކުންފުންޏަކުން ފައިސާ ދެއްކި ކަމަށާއި ރިސޯޓް ތަރައްގީކުރުމާ ގުޅޭ ބިން ވިއްކުމާއި ޓްރާންސްފާ ފީގެ ގޮތުގައި ޖުމްލަ ފަނަރަ ކުންފުންޏަކުން 12.7 މިލިއަން ޑޮލަރު ދައްކާފައިވާ ކަމަށެވެ.
ޓޫރިޒަމް ގާނޫނުގައި ކުރިން ކަނޑައަޅާފައި ވަނީ ސްޓޭންޑަޑް ލީސް އެކްސްޓެންޝަން ފީ ހަ މަސް ދުވަހުގެ ތެރޭގައި ދައްކައިފިނަމަ ބިމު ކުލީގެ މުއްދަތު އިތުރު ކުރާ އަހަރަކަށް 100،000 ޑޮލަރު، ދައުލަތަށް ދައްކަން ޖެހޭނެއެވެ.
ނަމަވެސް ޓޫރިޒަމް ގާނޫނަށް މިދިޔަ އަހަރު ގެނައި އިސްލާހުގައި ވަނީ ރިސޯޓުތަކުން ކުލި އަވަހަށް އިތުރުކުރުމަށް ހިތްވަރު ދިނުމުގެ ގޮތުން ވަގުތީ ލުއި ސްކީމެއް ތައާރަފްކުރި އެވެ. މި ސްކީމްގެ ދަށުން 49 އަހަރަށް އިތުރުކުރުމުގެ ކުލީގެ ފީ 50 އަހަރަށް ކުއްޔަށް ދިނުމަށްފަހު ދައްކާނަމަ، ދައްކަންޖެހޭ ޖުމްލަ އަދަދަކީ އިސްލާހަށް އަމަލުކުރަން ފަށާތާ ހަ މަސް ދުވަހުގެ ތެރޭގައި ދައްކާނަމަ 5 މިލިއަން ޑޮލަރު، އަދި ހަ މަސް ފަހުން ދައްކާނަމަ 10 މިލިއަން ޑޮލަރެވެ. އިތުރުކުރުމުގެ މުއްދަތަކީ 20 އަހަރު ނަމަ، ހަ މަސް ދުވަހުގެ ތެރޭގައި ފައިސާ ދައްކާނަމަ 2.5 މިލިއަން ޑޮލަރު، އަދި 25 އަހަރު އިތުރުކުރުމަށް 3 މިލިއަން ޑޮލަރެވެ.
ކިޔުންތެރިންގެ ހިޔާލު