އެމް.ޕީ.އެލް މާލެ ނޯތު ހާބަރުގައި އިމާރާތްކޮށްފައިވާ ހަ ލޮޓެއް ގުދަންކުރުމުގެ ބޭނުމަށް ކުއްޔަށް ހިފާނެ ފަރާތެއް ހޯދުމަށް މޯލްޑިވްސް ޕޯޓްސް ލިމިޓެޑުން އިޢުލާންކޮށްފިއެވެ.
ކުއްޔަށް ދޫކުރަނީ ލޮޓު ނަންބަރު 12، 13، 14، 15، 16 އަދި 17 އެވެ. ޝައުޤުވެރިވާ ފަރާތްތަކަށް ބޭނުންވާ ވަކި ލޮޓަކަށް ނުވަތަ އެއަށްވުރެ ގިނަ ލޮޓުތަކަށް އަގު ހުށަހެޅުމުގެ ފުރުޞަތު ވަނީ ހުޅުވާލައިފައެވެ.
ބިޑުގައި ރަޖިސްޓާވުމުގެ ސުންގަޑިއަކީ 11 ޖޫން 2026 ވަނަ ދުވަހުގެ 11:00 އެވެ. ބިޑުގައި ރަޖިސްޓާ ނުވާ ފަރާތްތަކުގެ އަންދާސީ ހިސާބު ބަލައި ނުގަނެވޭނެއެވެ. ބިޑާ ގުޅޭ ޕްރީ-ބިޑް ސެޝަން އެ ދުވަހުގެ 11:00 ގައި އެމް.ޕީ.އެލް ހެޑް އޮފީހުގައި ބޭއްވުމަށް ވަނީ ހަމަޖެހިފައެވެ. އިތުރު ސުވާލެއް ވާ ނަމަ 11 ޖޫންގެ 14:00 ގެ ކުރިން އީމެއިލް މެދުވެރިކޮށް ފޮނުވޭނެއެވެ.
އަގު ހުށަހެޅުމުގެ ސުންގަޑިއަކީ 14 ޖޫން 2026 ވަނަ ދުވަހުގެ 11:00 އެވެ. އެ ގަޑިއަށް އެމް.ޕީ.އެލް ހެޑް އޮފީހަށް ވަޑައިގެން އަގު ހުށަހަޅަންޖެހެއެވެ. ސުންގަޑީގެ ފަހުން ހުށަހެޅޭ ޕްރޮޕޯސަލްތައް ބަލައި ނުގަނެވޭނެއެވެ. އިތުރު މަޢުލޫމާތު ހޯދުމަށް 3039256 އަށް ގުޅޭނެއެވެ.
ކިޔުންތެރިންގެ ހިޔާލު