ނަމާދު ގަޑީގައި މާލެ ސިޓީގެ ހުރިހައި މިސްކިތްތަކުން ބޭރަށް އަޑު ނުއިވޭ ގޮތައް އަޑު ކަނޑާލަން މިނިސްޓްރީން އެންގި ކަމަށް ބުނެ ފަތުރަމުންދާ ވާހަކައަކީ ޙަޤީޤަތާ ޚިލާފު ވާހަކަ އެއް ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
މިނިސްޓަރު މިހެން ވިދާޅުވީ މީޑިއާތަކަށް ފޮނުއްވެވި މެސެޖެއްގަ އެވެ. މިފަދަ މެސެޖެއް މިނިސްޓަރު ފޮނުއްވެވީ ނަމާދު ގަޑީގައި މާލެ ސިޓީގެ ހުރިހައި މިސްކިތްތަކުން ބޭރަށް އަޑު ނުއިވޭ ގޮތައް އަޑު ކަނޑާލަން މިނިސްޓްރީން އެންގި ކަމަށް ވާހަކަ ފެތުރެމުންދާތީ އެވެ.
އެކަމާއި ގުޅޭގޮތުން މިނިސްޓަރު ވިދާޅުވީ ނަމާދު ގަޑީގައި މާލެ ސިޓީގެ ހުރިހައި މިސްކިތްތަކުން ބޭރަށް އަޑު ނުއިވޭ ގޮތައް އަޑު ކަނޑާލަން މިނިސްޓްރީން އެންގި ކަމަށް ބުނެ ފަތުރަމުންދާ ވާހަކައަކީ ޙަޤީޤަތާ ޚިލާފު ވާހަކަ އެއް ކަމަށެވެ.
މާލެ ސަރަޙައްދުގައި ބައެއް މިސްކިތްތައް ހުންނަނީ ވަރަށް ކައިރީ ކައިރީގަ އެވެ. ބައެއް މިސްކިތްތަކުން ނަމާދު ގަޑީގައި ވަރަށް ބާރަށް އަޑު އިވޭ ގޮތަށް ހަދާފައި ހުރެ އެވެ. އެކަމުގެ ސަބަބުން ޖެހިގެން ހުންނަ މިސްކިތުގެ ޖަމާޢަތަށް ދަތިވެ އެވެ. އެފަދަ ކަންކަން އިސްލާޙު ކުރުމަށް މިނިސްޓްރީން އަންގަ އެވެ.
ކިޔުންތެރިންގެ ހިޔާލު