ހުޅުމާލެ ފޭސް ދޭއްގައި ހުންނަ ހިޔާ ޓަވަރު 8 ގައި ހިނގި އަލިފާނުގެ ހާދިސާއެއްގައި އެޕާޓްމަންޓެއްގެ ކޮޓަރިއެއް ބޭނުން ނުކުރެވޭ ވަރަށް އަނދާފައިވާ ކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ހާމަކޮށްފިއެވެ.
މި އަލިފާނުގެ ހާދިސާ ހިނގާފައިވަނީ އެ ޓަވަރުގެ 15 ވަނަ ފަންގިފިލާގައި ހުންނަ 10 ވަނަ އެޕާޓްމަންޓުގައެވެ. މި ހާދިސާގެ ސަބަބުން އެ އެޕާޓްމަންޓަށް ވަރަށް ބޮޑެތި ގެއްލުންތަކެއް ވަނީ ލިބިފައެވެ. އެންޑީއެމްއޭ އިން ބުނި ގޮތުގައި، އެޕާޓްމަންޓުގެ ކޮޓަރިއެއް މުޅިން އަނދާފައިވާއިރު، އެޕާޓްމަންޓުގެ އެހެން ބައިތަކަށް ވެސް ދުމާއި ހޫނުގެ ސަބަބުން ބޮޑެތި ގެއްލުންތަކެއް ވަނީ ލިބިފައެވެ.
މި އެޕާޓްމަންޓުގައި ދިރިއުޅޭ ހަތަރު މީހުންގެ އާއިލާއަށް ބޭނުންވާ އަސާސީ އެހީތެރިކަން ފޯރުކޮށްދިނުމުގެ މަސައްކަތް އެ އޮތޯރިޓީން މިހާރު ދަނީ ކުރަމުންނެވެ.
ކިޔުންތެރިންގެ ހިޔާލު