އަންނަ މަހު 12 ވަނަ ދުވަހު ބާއްވަން ހަމަޖެހިފައިވާ އެމްޑީޕީގެ ޗެއާޕާސަންގެ އިންތިޚާބު ކުރީގެ ރައީސް މުހައްމަދު ނަޝީދު ކާމިޔާބުކުރައްވާނެ ބެލެވުމުން އެ އިންތިޚާބު ފަސްކުރަން ކުރަންޖެހޭ މަސައްކަތްތައް ކުރުމަށް ކުރީގެ ރައީސް އިބްރާހީމް މުހައްމަދު ސޯލިހު އަންގަވައިފިއެވެ.
ސޯލިހު މި އެންގުން އެންގެވީ އޭނާގެ ވަފާތެރިއެއް ކަމަށްވާ ވަގުތީ ޗެއާޕާސަން އަބްދުލްޣަފޫރު މޫސާއަށެވެ.
ސޯލިހުގެ އެންގުން ތަންފީޒުކުރެއްވުމުގެގޮތުން ޣަފޫރު ވަނީ އެ އިންތިހާބު ފަސްކުރަން ގައުމީ މަޖިލީހަށް ހުށަހަޅުއްވާފައެވެ.
އިންތިހާބު ފަސްކުރަން ފުރަތަމަ ހުށަހެޅުއްވި ސަބަބަކީ އިންތިހާބަށް ޚަރަދުކުރާނެ ފައިސާ ނެތުމެވެ. ނަމަވެސް ނަޝީދު މޮޅުވާނެ ކަމަށް ބެލެވުމުން ކުއްލިއަކަށް ޕާޓީގައި ހުރި ފައިސާ ހުސްވީ ކީއްވެތޯ ގިނަ ބަޔަކު އަންނަނީ ސުވާލު އުފައްދަމުންނެވެ.
ދެން ހުށަހެޅުއްވި ސަބަބުގައި ވަނީ މިހާރު ކަނޑައަޅާފައިވާ ތާރީޚްގައި އިންތިޚާބު ބާއްވައިފިނަމަ ޕާޓީގެ އެތެރޭގެ މަސްލަހަތު ގެއްލިދާނެ ކަމަށެވެ.
ޣަފޫރު ހުށަހެޅުއްވީ ރިޔާސީ ޕްރައިމަރީއަށްފަހު ޗެއާޕާސަންގެ އިންތިޚާބު ބާއްވާގޮތަށް ފާސްކޮށްދިނުމަށެވެ.
މިކަމާ ގުޅިގެން ނަޝީދު ފެކްޝަންގެ މެންބަރުން އަންނަނީ ނުރުހުންފާޅުކުރަމުންނެވެ. ޣަފޫރު ވަގުތުން މަގާމުން ވަކިކުރަން ވެސް އަންނަނީ ގޮވާލަމުންނެވެ.
ކިޔުންތެރިންގެ ހިޔާލު