ރާއްޖޭގައި މީހުން ދިރިއުޅޭ ކޮންމެ ރަށެއްގައި ފުލުހުންގެ މަރުކަޒެއް ގާއިމްކުރުމަށް ސަރުކާރުން ފަށާފައިވާ މަސައްކަތުގެ ދަށުން އދ. ފެންފުށީގައި އިމާރާތްކުރާ ޕޮލިސް ޕޯސްޓުގެ މަސައްކަތް ހަލުވިކަމާއެކު ކުރިއަށް އެބަދެއެވެ.
އެ މަސައްކަތުގެ އަމަލީ މަސައްކަތް އާރްޑީސީން ފެށީ މިދިޔަ އޮކްޓޫބަރު މަހުގެ ތެރޭގައެވެ.
ފެންފުށީގައި އިމާރާތްކުރާ ޕޮލިސް ޕޯސްޓުގެ އިތުރުން އެ ރަށުގެ ސިއްޙީ މަރުކަޒުގެ އައު އިމާރާތެއް ހެދުމާއި ވޮލީ ކޮޓެއް ތަރައްޤީ ކުރުމުގެ މަސައްކަތް ވެސް ދަނީ ކުރަމުންނެވެ.
އާރްޑީސީގެ އޮފިޝަލަކު ވިދާޅުވީ އެ ކުންފުނީގެ އަމާޒަކީ އަވަސް މުއްދަތެއްގެ ތެރޭގައި މަސައްކަތް ނިންމައި ފުލުހުންނާ އިމާރާތް ހަވާލުކުރުން ކަމަށެވެ.
ކުރިއަށް އޮތް ދެ އަހަރުގެ ތެރޭގައި ރާއްޖޭގެ ހުރިހާ ރަށެއްގައި ފުލުހުންގެ މަރުކަޒުތައް ގާއިމްކޮށްދިނުމަކީ ރައީސް ޑރ. މުހައްމަދު މުއިއްޒުގެ މުހިންމު ސިޔާސަތެކެވެ.
ކިޔުންތެރިންގެ ހިޔާލު