ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އުވާލައި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) ގެ ދަށަށް ބަދަލުކުރުމަށް ނިންމެވި ނިންމެވުމުގެ ދަށުން، އެ ކުންފުނީގެ ހިންގުން އެމްޓީސީސީގެ މެނޭޖިން ޑިރެކްޓަރު އަހުމަދު ސައުދީއާ ހަވާލުކޮށްފިއެވެ.
މި ބަދަލާ ގުޅިގެން އާރުޑީސީގެ މެނޭޖިން ޑިރެކްޓަރުގެ މަގާމުގައި ހުންނެވި އިބްރާހިމް ނަޒީމް ވަނީ އެ މަގާމުންނާއި އެ ކުންފުނީގެ ޑިރެކްޓަރުންގެ ބޯޑުން ވަކިކުރައްވާފައެވެ.
ސަރުކާރުގެ ކުންފުނިތަކުގެ ހިންގުންތެރިކަން މަތިކޮށް، ދައުލަތުގެ ހަރަދުތައް ކުޑަކުރުމަށްޓަކައި ބައެއް ކުންފުނިތައް އެއްކޮށްލުމަށް ނިންމެވިކަން ރައީސުލްޖުމްހޫރިއްޔާ ޑޮކްޓަރު މުހައްމަދު މުއިއްޒު ވަނީ އިޢުލާނު ކުރައްވާފައެވެ. އެމަނިކުފާނު ވިދާޅުވީ މިއީ ކުންފުނިތަކުގެ ހަރަދުތައް ކުޑަކޮށް، ހަރުދަނާ ނިޒާމެއްގެ ތެރެއިން މަސައްކަތްތައް ކުރިއަށް ގެންދިއުމަށް އެޅުއްވި ފިޔަވަޅެއް ކަމަށެވެ.
އާރުޑީސީއަކީ އުފެދުނީއްސުރެ ބޮޑެތި ގެއްލުންތަކެއް ވަމުންދިޔަ އަދި ދަރަނި އިންތިހާއަށް ބޮޑުވެފައިވާ ކުންފުންޏެކެވެ. މީގެ އިތުރުން އެ ކުންފުންޏާ ދެކޮޅަށް ކޯޓުތަކުގައި ގިނަ މައްސަލަތަކެއް ނިމިފައިވެއެވެ.
ކިޔުންތެރިންގެ ހިޔާލު