ނިމިދިޔަ ރިޔާސީ އިންތިޚާބުގައި އޭރުގެ ވެރިކަންކުރާ ޕާޓީ އެމްޑީޕީއާ ދެކޮޅަށް މަސައްކަތް ކުރެއްވި ވާހަކަ އިތުރަށް ދައްކަވަން ބޭނުންފުޅުނުވާ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އައްޑޫ ސިޓީގައި ބޭއްވި ކެމްޕޭން އިވެންޓެއްގައި އެ ޕާޓީގެ އާންމު މެންރަކު ކުރި ސުވާލަކަށް ޖަވާބުދެއްވަމުން ދެއްވަމުން ނަޝީދު ވިދާޅުވީ ޕާޓީއާ އެމަނިކުފާނު ދުރަށް ޖެހުނު ސަބަބުގެ ވާހަކަ ދައްކަވަން ބަލާއިރު އެއީ “ވަރަށް ގިނަ ވާހަކަ” ކަމަށެވެ. އަދި އިތުރަށް އެ ވާހަކަ ދައްކަވަން ބޭނުންފުޅުނުވާ ކަމަށް ނަޝީދު ވިދާޅުވިއެވެ.
“އަޅުގަނޑު މިހާރު މި ހުރީ މި ތަނަށް އައިސް. އަޅުގަނޑު މިހާރު މި އުޅެނީ މި ޕާޓީ އަލުން އަނބުރާ ވެރިކަމަށް ގެންނަން،” ނަޝީދު ވިދާޅުވިއެވެ.
އަލުން އެމްޑީޕީއާ ގުޅިވަޑައިގަތީ އެ ޕާޓީއާ ދުރުގައި ހުންނެވުމަކީ ފަސޭހަ ކަމަކަށްނުވާތީ ކަމަށް އެމަނިކުފާނު ވިދާޅުވިއެވެ.
“އެމްޑީޕީ ދޫކޮށްލެއްވީ ކީއްވެގެންތޯ ތިޔަ ސުވާލުގެ ޖަވާބު އަޅުގަނޑު މިހާރު ދޭން އުޅެއްޖެއްޔާ އަޅުގަނޑަށް ހީވަނީ ހަމަ ކޮނުނު ކޮނުނު ވަރަކަށް ފަސްހެން ގިނަވާނީ،” ނަޝީދު ވިދާޅުވިއެވެ.
ދަ ޑިމޮކްރެޓްސްގެ ނަމުގައި ނަޝީދު ޕާޓީއެއް އުފައްދެވީ ކުރީގެ ރައީސް އިބްރާހީމް މުހައްމަދު ސޯލިހުގެ ވެރިކަން ބަދަލުކުރުމަށެވެ. އެ މަގްސަދު ހާސިލުވުމުން އެނބުރި ވަނީ އެމްޑީޕީއާ ގުޅިވަޑައިގެންފައެވެ. މިހާރުވެސް އެ މަސައްކަތް ކުރައްވަނީ ވެރިކަމަށް އާދެވޭނެ މަގެއް ހޯއްދެވުމަށެވެ.
ކިޔުންތެރިންގެ ހިޔާލު