ރާއްޖޭގައި މަސައްކަތްކުރި ލިޓަން ނަމަކަށް ކިޔާ ބިދޭސީއަކު މޫދަށް ވައްޓާލައި މަރާލިކަން ސާބިތުވެ، ގދ. ތިނަދޫ، މަނާރު، މުހައްމަދު ނިޒާމް އުމުރަށް ޖަލަށްލާން ކްރިމިނަލް ކޯޓުން މިއަދު ހުކުމްކޮށްފިއެވެ.
ވިލިމާލެއިން 2022 ގައި ބޯޓަކުން ފުރިފަހުން ބަންގްލަދޭޝްގެ ރައްޔިތެއް ކަމަށްވާ ލިޓަން ވަނީ ގެއްލިފައެވެ. އެ ބޯޓުން އޭނައާ އެކު ދަތުރުކުރި ނިޒާމް އޭނާ މޫދަށް ވައްޓާލާފައިވާކަން ފުލުހުންގެ ތަހުގީގުން ވަނީ ސާބިތުވެފައެވެ.
ދައުލަތުން ހުށަހެޅި ހެކިތަކަށް ބަލާއިރު، މީހަކު މެރުމުގެ ދައުވާ ނިޒާމްގެ މައްޗަށް ސާބިތުވާތީ، އެ ކުށުގެ އަދަބެއްގެ ގޮތުން ނިޒާމް 25 އަހަރަށް ޖަލަށްލާން މިއަދު ވަނީ ހުކުމްކޮށްފައެވެ.
ކްރިމިނަލް ކޯޓުން އިއްވި ހުކުމްގައި ވަނީ އޭނާ ބަންދުގައި ހޭދަވި މުއްދަތު އުނިކުރުމަށްފަހު އޭނާ ތަންފީޒު ކުރަން ޖެހޭނީ 21 އަހަރާއި 10 މަހުގެ މުއްދަތުގެ ޖަލު ހުކުމެއް ކަމަށެވެ.
މަރުގެ ދައުވާގެ އިތުރުން ވައްކަމުގެ ދައުވާއަކާއި މަސްތުވާތަކެތީގެ ދައުވާއެއް ނިޒާމްގެ މައްޗަށް ސާބިތުވެ އޭނާގެ މައްޗަށް މީގެކުރިން ޖަލު ހުކުމެއް އިއްވިއެވެ.
ކިޔުންތެރިންގެ ހިޔާލު