ހަތަރު މީހުންގެ ގްރޫޕަކުން ވަދެ ހިންނަވަރު އިންޖީނުގޭގެ މުވައްޒަފަކަށް ހަމަލާދީ މާރާމާރީ ހިންގައިފިއެވެ.
މިކަމާ ގުޅިގެން ފުލުހުން ބުނީ ހިންނަވަރު އިންޖީނުގެ ތެރޭގައި ބައެއްގެ މެދުގައި ހިންގި މާރާމާރީއެއްގެ މައްސަލަ އިއްޔެ ފުލުހުންނަށް ރިޕޯޓުކޮށްފައިވާ ކަމަށެވެ.
އެ މާރާމާރީގެ ސަބަބުން އަނިޔާވި މީހާ ވަނީ ޑޮކްޓަރަށް ވެސް ދައްކާފައެވެ. ނަމަވެސް އޭނައަށް ސީރިއަސް އަނިޔާއެއް ލިބިފައިނުވާ ކަމަށް ފުލުހުން ބުންޏެވެ.
ހަތަރު މީހުންގެ ގްރޫޕަކުން މި މާރާމާރީ ހިންގި ސަބަބެއް އަދި ނޭނގެއެވެ.
ފުލުހުން އަންނަނީ އެ މައްސަލަ ތަހުގީގުކުރަމުންނެވެ.
ކިޔުންތެރިންގެ ހިޔާލު