ތެލަސީމިއާ ސެންޓަރުން ޚިދުމަތް ދޭންފެށިތާ 31 އަހަރު ފަހުން ފުރަތަމަ ފަހަރަށް ހުކުރު ދުވަހު ޚިދުމަތް ދޭން ފަށައިފިއެވެ.
ތެލަސީމިއާ ސެންޓަރުގެ ޚިދުމަތް ދޭން ފަށާފައިވަނީ 1994 ވަނަ އަހަރުގެ ޑިސެމްނަރު މަހުގެ 29 ވަނަ ދުވަހުއެވެ. އެ ސެންޓަރުގެ ތާރީޚުގައި ހުކުރު ދުވަހެއްގައި ޚިދުމަތް ދީފައެއް ނުވެއެވެ. އެސެންޓަރުން މިހާތަނަށް ޚިދުމަތް ދެމުން އައިސްފައިވަނީ ހުކުރު ދުވަސް ފިޔަވައި ހަފްތާގެ އެހެނިހެން ދުވަސްތަކުގައެވެ. ނަމަވެސް ހަފްތާގެ ހުރިހާ ދުވަހަކު ތެލަސީމިއާ ސެންޓަރުގެ ޚިދުމަތް ދިނުމަކީ ތެލަސީމިއާ ބަލި ތަހައްމ،ަލުކުރަމުން އައި ފަރާތްތަކުގެ ވަރަށް ބޮޑު އެދުމެކެވެ.
މިގޮތުން ފާއިތުވި ހުކުރު ދަވަކީ ފުރަތަމަ ފަހަރަށް އެސެންޓަރުން ހުކުރު ދުވަހެއްގައ ޚިދުމަތް ދިން ދިބަހެވެ. އަދި މީގެފަހުން ކޮންމެ ހުކުރު ދުވަހެއްގައި ވެސް ތެލަސީމިއާ ސެންޓަރު ހުޅުވައި، ލޭ އެޅުމުގެ ޚިދުމަތް ދޭން ވަނީ ނިންމާފައެވެ.
ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވިދާޅުވީ ވޭތުވެދިޔަ 31 އަހަރުގެ ތެރޭގައި ތެލަސީމިއާ ސެންޓަރުން ހުކުރު ދުވަހު ޚިދުމަތް ދީފައިނުވާކަމަށެވެ. މިކަން ބަދަލުކޮށް މިދިޔަ ހުކުރު ދުވަހުން ފެށިގެން ތެލަސީމިއާ ސެންޓަރުން ޚިދުމަތް ދޭން ފަށާފައިވާކަމަށް ރައީސް ވިދާޅުވިއެވެ. ރައީސް ވިދާޅުވީ ހުކުރު ދުވަހު އެކަނިވެސް ޖުމްލަ 14 ޓްރާންސްފިއުޝަން ހަދާފައިވާކަމަށާއި 5 މީހަކު ލޭ ހަދިޔާކޮށްފައިވާކަމަށެވެ.
1994 ވަނަ އަހަރު ޑިސެމްބަރ 29 ވަނަ ދުވަހު ތެލަސީމިއާ ސެންޓަރު ހުޅުވިފަހުން، ފާއިތުވި 31 އަހަރުގެ ދިގު ތާރީޚުގައި ރަސްމީކޮށް ހުކުރު ދުވަހެއްގައި އެ ސެންޓަރު ހުޅުވައި ޚިދުމަތް ދީފައިނުވޭ.
ނަމަވެސް، 20 ފެބްރުވަރީ 2026 ވީ ހުކުރު ދުވަހުން ފެށިގެން، ކޮންމެ ހުކުރު ދުވަހެއްގައިވެސް…
— Dr Mohamed Muizzu (@MMuizzu) February 22, 2026
ތެލަސީމިއާގެ ފަރުވާއާއި ޚިދުމަތުގެ ފެންވަރު ރަނގަޅުކުރުމަށް ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން ޒަމާންތަކެއް ވަންދެން މާލޭގައި ޚިދުމަތް ދެމުންދިޔަ ތެލަސީމިއާ ސެންޓަރުގެ ބަދަލުގައި ޒަމާނީ ސެންޓަރެއް ވަނީ ހުޅުމާލޭގައި ޤާއިމްކޮށްފައެވެ. މީގެ އިތުރުން ތެލަސީމިއާ ހުންނަ ފަރާތްތަކަށް 2000 ރުފިޔާގެ އެލަވަންސެއްވަނީ ދޭން ސަރުކާރުން ވަނީ ފަށާފައެވެ.
ކިޔުންތެރިންގެ ހިޔާލު