ރާއްޖޭގައި މިދިޔަ ހަފުތާއެއްގެ ތެރޭގައި އެކި ބާވަތްތަކުގެ ސްކޭމްތަކުގައި ޖެހި، އާންމު ރައްޔިތުންގެ އަތުން ގެއްލުނު ފައިސާގެ އަދަދު 372،515.59 ރުފިޔާއަށް އަރާކަމަށް ފުލުހުން ހާމަކޮށްފިއެވެ. އެންމެ ގިނައިން ރިޕޯޓުކުރެވުނީ އޮންލައިން ވިޔަފާރީގެ ނަމުގައި މީހުން އޮޅުވާލުމުގެ މައްސަލަތަކެވެ.
ސްކޭމް ދެކޮޅަށް މަސައްކަތް ކުރާ ފުލުހުންގެ ޔުނިޓުން މިރޭ އާންމުކުރި ތަފާސްހިސާބުން ދައްކާ ގޮތުގައި، މިދިޔަ އާދިއްތަ ދުވަހުން ފެށިގެން އިއްޔެއާ ހަމައަށް 35 މައްސަލަ ރިޕޯޓުކޮށްފައިވެއެވެ. އެ މައްސަލަތަކުގެ ތެރޭގައި އޮންލައިން ވިޔަފާރީގައި އޮޅުވާލުމުގެ 13 މައްސަލައާއި، ފައިސާ ބަދަލުކުރުމުގައި އޮޅުވާލުމުގެ 6 މައްސަލައާއި، ޝަޚުސު އޮޅުވާލުމުގެ 9 މައްސަލައާއި، ފިޝިން، ވިޝިން އަދި ވަޒީފާ ދިނުމާ ގުޅޭ 6 މައްސަލަ ހިމެނެއެވެ. ގެއްލުނު ފައިސާގެ ތެރެއިން ފުލުހުން ވަނީ 148،781.94 ރުފިޔާ ހޯދައިދީފައެވެ.
ސްކޭމަރުން އާންމުކޮށް ބޭނުންކުރަނީ ފޯންކޯލް، އައިބޭ، އޮންލައިން މެސެޖިން އެޕްތައް، ފިޝިން ލިންކް އަދި ފޭސްބުކް މާކެޓްޕްލޭސްއެވެ. މީހަކަށް ފައިސާ ފޮނުވުމުގެ ކުރިން އެ ފަރާތެއްގެ ސައްހަކަން ކަށަވަރުކުރުމަށާއި، ޒާތީ މައުލޫމާތު ހިއްސާނުކުރުމަށާއި، ޓޫ ފެކްޓާ އޮތެންޓިކޭޝަން ހަރުކަށި ކުރުމަށް ފުލުހުން އިލްތިމާސްކޮށްފައިވެއެވެ.
ކިޔުންތެރިންގެ ހިޔާލު